ବାଲେଶ୍ଵର: ଜଳେଶ୍ବର ପୋଲିସକୁ ବଡ ସଫଳତା । ବିପୁଳ ପରିମାଣର ବ୍ରାଉନସୁଗର ସହ ବେପାରୀ ଓ ଗ୍ରାହକଙ୍କୁ ଅଟକ ରଖିଛି ପୋଲିସ ।
କୋଟିଏ ଟଙ୍କାରୁ ଉର୍ଦ୍ଧ୍ୱ ବ୍ରାଉନ ସୁଗର ଜବତ, 3 ଅଟକ
ତେବେ ଜଳେଶ୍ବର ପୋଲିସର ଏକ ସ୍ବତନ୍ତ୍ର ଟିମ ଦୁଇଜଣ ଗ୍ରାହକ ବିପୁଳ ବ୍ରାଉନ ସୁଗର ନେଇ ଯାଉଥିବା ବେଳେ ରାସ୍ତାରୁ କାବୁ କରିଥିଲା । ସେହିପରି ଜଳେଶ୍ବର ଥାନା ଅଧିନ ଗ୍ୟାରେଜ ବଜାର ଅଞ୍ଚଳରୁ ଜଣେ ବେପାରିକୁ କାବୁ କରିବା ସହ ବ୍ରାଉନ ସୁଗାର ଓ ଟଙ୍କା ଜବତ କରିଛି ପୋଲିସ ।
ଏହି ଘଟଣାରେ ପୋଲିସ 3 ଜଣଙ୍କୁ ଅଟକ ରଖିଥିବା ବେଳେ ସମ୍ପୂର୍ଣ୍ଣ ତଥ୍ୟ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିବ ବୋଲି ସୂଚନା ଦେଇଛି।
ଏଠାରେ ସୂଚନାଯୋଗ୍ୟ, ଜବତ ବ୍ରାଉନ ସୁଗରର ଓଜନ 1 କେଜିରୁ ଊର୍ଦ୍ଧ୍ବ ହୋଇଥିବା ବେଳେ ଆନୁମାନିକ ମୂଲ୍ୟ 1କୋଟିରୁ ଊର୍ଦ୍ଧ୍ବ ହେବ ନେଇ ଅନୁମାନ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
