ୱାସିଂଟନ: କୋରୋନା କଟକଣା ମଧ୍ୟରେ କ୍ଷତି ସହୁଛନ୍ତି କ୍ଷୁଦ୍ର ଉଦ୍ୟୋଗ । ସେପଟେ ଅଶୋଧିତ ତୈଳ ଦାମ 2 ଦଶନ୍ଧିର ସର୍ବନିମ୍ନ ସ୍ତରରେ ପହଞ୍ଚିବା ଯୋଗୁଁ ଦେବାଳି ସ୍ଥିତିରେ ତୈଳ କମ୍ପାନୀ । ତା ଉପରେ ପୁଣି ସ୍ବାସ୍ଥ୍ୟ ଓ ଆର୍ଥିକ ସମସ୍ୟା । ଏହାର ମୁକାବିଲା ପାଇଁ 480 ଅରବ ଡଲାରରେ ପ୍ୟାକେଜ ଆଣିଛି ଆମେକିକାର ସିନେଟ ।
ଡେମୋକ୍ରେଟିକ୍ସ, ରିପବ୍ଲିକ ଓ ହ୍ବାଇଟ ହାଉସ ମଧ୍ୟରେ ଗତ 1 ସପ୍ତାହ ଧରି ଚର୍ଚ୍ଚା ବିମର୍ଶ ପରେ ସର୍ବସମ୍ମତି କ୍ରମେ ଏହି ପ୍ରସ୍ତାବକୁ ମଞ୍ଜୁରୀ ଦେଇଛନ୍ତି।
ଏବେ ଏହି ପ୍ରସ୍ତାବ ପ୍ରତିନିଧି ସଭା ପାଖକୁ ଯିବ । ସେଠାରେ ଗୁରୁବାର ଯାଏଁ ଏହା ଉପରେ ମତଦାନ ସମ୍ଭାବନା ରହିଛି । କୋରୋନା ସଙ୍କଟ ମଧ୍ୟରେ ଜୁଝୁଥିବା ଅର୍ଥବ୍ୟବସ୍ଥାକୁ ପୁଣି ସୁଦୃଢ ପାଇଁ ଏଭଳି ପଦକ୍ଷେପ ଗ୍ରହଣ କରାଯାଇଛି ।
କୋରୋନା ମହାମାରୀରେ ଆମେରିକାର 43 ହଜାର ଲୋକଙ୍କ ମୃତ୍ୟୁ ହୋଇଥିବା ବେଳେ ପାଖାପାଖୀ 2.2 କୋଟି ଲୋକ ବେକାରୀ ହୋଇସାରିଲେଣି ।
