ନୂଆଦିଲ୍ଲୀ: ୟେସ୍ ବ୍ୟାଙ୍କ ଜମାକର୍ତ୍ତାଙ୍କୁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଆଶ୍ବାସନା । ଏହି ସମସ୍ୟାର ଶୀଘ୍ର ସମାଧାନ କରାଯିବ । ଏହା ଉପରେ ଉଭୟ ଆରବିଆଇ ଏବଂ ସରକାରଙ୍କ ନଜର ରହିଛି । ଜମାକାରୀଙ୍କ ସ୍ବାର୍ଥରେ ହିଁ ଆଗକୁ ପଦକ୍ଷେପ ଗ୍ରହଣ କରାଯିବ ବୋଲି ସୀତାରମଣ କହିଲେ ।
ସୀତାରମଣ ଦୃଢୋକ୍ତି ଦେଇଛନ୍ତି ଯେ, ସମସ୍ୟାର ଶୀଘ୍ର ସମାଧାନ ହେବ । ଏଥିପାଇଁ ଜମାକର୍ତ୍ତାଙ୍କୁ ଚିନ୍ତା ନ କରିବାକୁ ସୀତାରମଣ ପରାମର୍ଶ ଦେଇଛନ୍ତି । ଯଦି କାହା ଘରେ ବିବାହ କିମ୍ବା ବଡ ଖର୍ଚ୍ଚ ଆବଶ୍ୟକ ହୁଏ ତେବେ ଆରବିଆଇ ନିଯୁକ୍ତ ଅଧିକାରୀ ତାହାକୁ ପ୍ରଦାନ କରିବେ । ଯେପରି ଜମାକର୍ତ୍ତାଙ୍କୁ କୌଣସି ସମସ୍ୟା ଭୋଗିବାକୁ ପଡିବ ନାହିଁ ।
ମୁଁ ସମସ୍ତ ଜମାକାରୀଙ୍କୁ ନିଶ୍ଚିତ କରିବାକୁ ଚାହୁଁଛି ଯେ ସେମାନଙ୍କ ଟଙ୍କା ସୁରକ୍ଷିତ, ମୁଁ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ସହିତ ନିରନ୍ତର ଯୋଗାଯୋଗରେ ଅଛି ବୋଲି ସୀତାରମଣ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
