ଗୌହାଟି: ଆଇଆଇଟି ଛାତ୍ରଙ୍କ ନାମରେ ଦୁର୍ଷ୍କମ ଅଭିଯୋଗ । ଶନିବାର ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି ଗୌହାଟି ( ଆଇଆଇଟି-ଜି)ର ଜଣେ ଛାତ୍ରକୁ ଦୁର୍ଷ୍କମ ଅଭିଯୋଗରେ ଗିରଫ କରିଛି ପୋଲିସ ।
ଗିରଫ ହୋଇଥିବା ଛାତ୍ରଜଣକ ରସାୟନ ବିଭାଗର ଉତ୍ସବ କାଦମ ବୋଲି ଜଣାପଡିଛି । ସେ ମୁମ୍ବାଇ ବାସିନ୍ଦା । ମାର୍ଚ୍ଚ 28ତାରିଖ ରାତିରେ ଅନୁଷ୍ଠାନ ପରିସରରେ ହୋଲି ପାଇଁ ଏକ ସଂସ୍କୃତିକ କାର୍ଯ୍ୟକ୍ରମ ଚାଲିଥିବା ବେଳେ ଅଭିଯୁକ୍ତ ଜଣଙ୍କ ଛାତ୍ରୀଙ୍କୁ ଦୁର୍ଷ୍କମ କରିଥିବା ପୋଲିସ ପକ୍ଷରୁ ସୂଚନା ମିଳିଛି ।
ଛାତ୍ରୀଜଣଙ୍କୁ ବେହୋସ ଅବସ୍ଥାରେ ଉଦ୍ଧାର କରାଯାଇଥିଲା । ଏହା ପରେ ଛାତ୍ରୀଙ୍କୁ ହଷ୍ଟେଲ କର୍ମଚାରୀଙ୍କ ସହାୟତାରେ ଡାକ୍ତରୀ ପରୀକ୍ଷା ପାଇଁ ଗୌହାଟି ମେଡିକାଲ କଲେଜ ଏବଂ ହସ୍ପିଟାଲ (ଜିଏମଏଚସି) କୁ ନିଆଯାଇଥିଲା । ଏବେ ସେ ଡାକ୍ତରଖାନାରେ ଚିକିତ୍ସିତ ଅଛନ୍ତି । ତାଙ୍କ ସ୍ବାସ୍ଥ୍ୟବସ୍ଥା ସମ୍ପର୍କରେ ଡାକ୍ତର କୌଣସି ସୂଚନା ଦେଇ ନାହାନ୍ତି ।
ଭାରତୀୟ ଦଣ୍ଡବିଧି ଆଇନ 376 ଅନୁସାରେ ଆମିନଗାଁ ପୋଲିସ ଆଉଟପୋଷ୍ଟରେ ଅଭିଯୁକ୍ତଙ୍କ ନାଁରେ ମାମଲା ରୁଜ୍ଜୁ କରାଯାଇ ତାଙ୍କୁ ଗରିଫ କରାଯାଇଛି । ଘଟଣାର ଅଧିକ ତଦନ୍ତ ଚାଲିଥିବା ପୋଲିସ ପକ୍ଷରୁ ସୂଚନା ମିଳିଛି ।
ବ୍ୟୁରୋ ରିପୋର୍ଟ,ଇଟିିଭି ଭାରତ
