ନୂଆଦିଲ୍ଲୀ: ରାମ ମନ୍ଦିର ପ୍ରତିଷ୍ଠା ଉତ୍ସବ ପାଇଁ ସାରା ଦେଶରେ ଆତଙ୍କବାଦ କାର୍ଯ୍ୟାକଳାପ ଉପରେ ସମସ୍ତ କେନ୍ଦ୍ରୀୟ ସଂସ୍ଥାର ତୀକ୍ଷ୍ଣ ନଜର ଥିବା ବେଳେ ଆଜି ରାଜଧାନୀ ଦିଲ୍ଲୀରୁ ଗିରଫ ହୋଇଛି ଜଣେ ହାର୍ଡକୋର ଆତଙ୍କବାଦୀ । କୁଖ୍ୟାତ ଆତଙ୍କବାଦୀ ସଂଗଠନ ‘ହିଜବୁଲ ମୁଜାହିଦ୍ଦିନ’ର ମୋଷ୍ଟୱାଣ୍ଟେଡ ଆତଙ୍କବାଦୀ ଜାଭେଦ ମଟ୍ଟୁକୁ ଆଜି ଦିଲ୍ଲୀ ପୋଲିସର ସ୍ପେଶାଲ୍ ସେଲ ଗିରଫ କରିଛି । ଗଣମାଧ୍ୟମ ରିପୋର୍ଟ ଅନୁଯାୟୀ ଗିରଫ ଆତଙ୍କବାଦୀ ଜାଭେଦ ଉପରେ 10 ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା । ଜାମ୍ମୁ କାଶ୍ମୀରରେ ଅନେକ ଆତଙ୍କବାଦ ଘଟଣାରେ ଜଡିତ ଥିବା ଜାଭେଦ ଗତ କିଛି ବର୍ଷ ହେବ ସୁରକ୍ଷା ବଳ ଓ ଗୁଇନ୍ଦା ବିଭାଗର ସ୍କାନରରେ ରହିଆସିଥିଲା । ତା’ ସମ୍ପର୍କରେ କୌଣସି ସୂଚନା ପ୍ରଦାନ କରିବା ପାଇଁ 10 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା ।
-
#WATCH | Delhi: Visuals of the Hizbul Mujahideen terrorist Javed Mattoo who was arrested by the Delhi Police Special Cell earlier today pic.twitter.com/GY9qZlVW9J
— ANI (@ANI) January 4, 2024 " class="align-text-top noRightClick twitterSection" data="
">#WATCH | Delhi: Visuals of the Hizbul Mujahideen terrorist Javed Mattoo who was arrested by the Delhi Police Special Cell earlier today pic.twitter.com/GY9qZlVW9J
— ANI (@ANI) January 4, 2024#WATCH | Delhi: Visuals of the Hizbul Mujahideen terrorist Javed Mattoo who was arrested by the Delhi Police Special Cell earlier today pic.twitter.com/GY9qZlVW9J
— ANI (@ANI) January 4, 2024
ସୂଚନା ଅନୁସାରେ, ଆଜି (ଜାନୁଆରୀ 4) ସନ୍ଧ୍ୟାରେ ଦିଲ୍ଲୀ ପୋଲିସ ସ୍ପେଶାଲ ସେଲର ଟିମ୍ ଏହି ଆତଙ୍କବାଦୀକୁ ଗିରଫ କରିବାରେ ସଫଳ ହୋଇଛି । ତାକୁ ଏକ କାର ସହ ଗିରଫ କରାଯାଇଛି । କାରଟି କିଛି ମାସ ତଳେ ଚୋରି ହୋଇଥିବା ଜଣାପଡିଛି । ତା’ ନିକଟରୁ ଗୋଟିଏ ପିସ୍ତଲ ଓ ଏକାଧିକ ରାଉଣ୍ଡର ଗୁଳି ମଧ୍ୟ ଜବତ ହୋଇଛି । ସେ ହିବୁଲ ସଂଗଠନର କମାଣ୍ଡର ଭାବେ କାର୍ଯ୍ୟ କରୁଥିଲା । କାଶ୍ମୀର ସୋପୋରର ଅଞ୍ଚଳର ବାସିନ୍ଦା ଜାଭେଦ ଏକାଧିକ ଥର ପାକିସ୍ତାନ ଯାଇ ସେଠାରେ ଆତଙ୍କବାଦୀ ଶିବିରରେ ପ୍ରଶିକ୍ଷଣ ମଧ୍ୟ ନେଇଛି । ଘାଟିରେ ଏକାଧିକ ଆତଙ୍କବାଦୀ ଆକ୍ରମଣରେ ସେ ସାମିଲ ଥିଲା ।
ପୋଲିସ ରିପୋର୍ଟ ଅନୁଯାୟୀ, ଅହମ୍ମଦ ଜାଭେଦ ମଟ୍ଟୁ ଜଣେ A ++ ଗ୍ରେଡ୍ ବା ମୋଷ୍ଟଓ୍ବାଣ୍ଟେଡ ଶ୍ରେଣୀର ଆତଙ୍କବାଦୀ ତାଲିକାରେ ଥିଲା । ତେବେ ସେ କାଶ୍ମୀରରେ ମୋଟ 11ଟି ଆତଙ୍କୀ ହମାଲାରେ ପ୍ରତ୍ୟେକ୍ଷ ସମ୍ପୃକ୍ତ । ତା’ ବିରୋଧରେ ଘାଟିର ବିଭିନ୍ନ ସ୍ଥାନରେ 5 ଜଣ ପୋଲିସ କର୍ମୀଙ୍କୁ ହତ୍ୟା କରିବାର ଅଭିଯୋଗ ମଧ୍ୟ ରହିଛି ।
ଏକ ଏନକାଉଣ୍ଟରରେ ଭାରତୀୟ ସୁରକ୍ଷା ବଳର ଗୁଳିରେ ଆହତ ହେବା ପରେ ସେ ଘାଟି ଛାଡି ନେପାଳ ପଳାଇଥିବା ଜଣାପଡିଥିଲା । ପାକିସ୍ତାନୀ ଗୁଇନ୍ଦା ସଂସ୍ଥା ‘ଆଇଏସଆଇ’ ସହଯୋଗରେ ସେ କିଛି ଦିନ ନେପାଳରେ ଆତ୍ମଗୋପନ କରିବା ପରେ ପୁଣି ଭାରତ ଫେରିଥିଲା । ତେବେ ସେ ମାରଣାସ୍ତ୍ର ଓ ଗୁଳିଗୋଳା ନେବା ପାଇଁ ଦିଲ୍ଲୀ ଆସିବା ସମ୍ପର୍କରେ ଗୁଇନ୍ଦା ଇନପୁଟରୁ ଦିଲ୍ଲୀ ପୋଲିସ ସ୍ପେଶାଲ ସେଲ ସୂଚନା ପାଇବା ପରେ ତାକୁ ଧରିବା ପାଇଁ ଯୋଜନା ପ୍ରସ୍ତୁତ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
