ଅମରାବତୀ: ଆନ୍ଧ୍ରପ୍ରଦେଶର କୋନସୀମା ଜିଲ୍ଲାରେ ଘଟିଛି ଛାତିଥରା ଘଟଣା । ବ୍ଲେଡରେ ଦିଅରର ଗୁପ୍ତାଙ୍ଗ କାଟିଲା ଭାଉଜ । ପରକୀୟା ପ୍ରୀତି(extra marital affair)କୁ ନେଇ ଭାଇଜ ଘଟାଇଲେ ଏପରି କାଣ୍ଡ । ଗୁରୁତର ଅବସ୍ଥାରେ ଦିଅରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଆହତ ଯୁବକ ଜଣଙ୍କ ଗୁଡାପଲ୍ଲି ଗ୍ରାମର ହୋଇଥିବା ପୋଲିସ ପକ୍ଷରୁ ସୂଚନା ମିଳିଛି ।
ଏହା ମଧ୍ୟ ପଢନ୍ତୁ- Watch Video: ଗାଈଠାରୁ ସ୍ତନ୍ୟପାନ କରୁଛି ମଣିଷ ଛୁଆ
ମିଳିଥିବା ସୂଚନା ଅନୁଯାୟୀ ବ୍ୟକ୍ତି ଜଣଙ୍କ ବିବାହିତ ହୋଇଥିବା ବେଳେ ଅନେକ ମହିଳାଙ୍କ ସହ ସମ୍ପର୍କ ରଖୁଥିଲେ । ଏହି କ୍ରମରେ ସେ ଜଣେ ସମ୍ପର୍କୀୟ ଭାଉଜଙ୍କ ସହ ମଧ୍ୟ ଅନୈତିକ ସମ୍ପର୍କରେ ରହିଥିଲେ । ଗତ ୧୭ ତାରିଖ ଦିନ ଟଟିପକାର ସମ୍ପର୍କୀୟ ଭାଉଜ ଘରେ କେହି ନଥିବା କହି ଦିଅରଙ୍କୁ ଡାକିଥିଲେ । ଏହାପରେ ଦିଅର ଜଣଙ୍କର ବହୁ ଜଣଙ୍କ ସହ ସମ୍ପର୍କ ଥିବା ନେଇ ଭାଉଜ ଅଭିଯୋଗ କରିଥିଲେ । ଯାହାକୁ ନେଇ ଉଭୟଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଏଥିରେ ଉତକ୍ଷିପ୍ତ ହେଇ ମହିଳା ଜଣଙ୍କ ଏକ ବ୍ଲେଡ ସାହାଯ୍ୟରେ ବ୍ୟକ୍ତି ଗୁପ୍ତାଙ୍କକୁ କାଟି ଦେଇଥିଲେ ।
ଏହାପରେ ଗୁରୁତର ଅବସ୍ଥାରେ ତାଙ୍କୁ ରାଜୋଲୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପରେ ଅବସ୍ଥା ଗୁରୁତର ହେବାରୁ ତାଙ୍କୁ ଆମଲାପୁରମ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ଏନେଇ ପୋଲିସ କହିଛି ଯେ, ସୋମବାର ଦିନ ଏନେଇ ଥାନାରେ ଏକ ମାମଲା ରୁଜୁ ହୋଇଛି । ତଦନ୍ତ ପରେ ଜଣାପଡିଛି ଯେ ପୀଡିତ ବ୍ୟକ୍ତିଙ୍କ ବିବାହିତ ହୋଇଥିବା ବେଳେ ତାଙ୍କର ୨ଟି ସନ୍ତାନ ରହିଛି ।
