ଉଜ୍ଜୟନୀ: ଦେଶର 12ଟି ଜ୍ୟୋତିର୍ଲିଙ୍ଗ ମଧ୍ୟରୁ ଅନ୍ୟତମ ମଧ୍ୟପ୍ରଦେଶର ଉଜ୍ଜୟନୀରେ ଥିବା ବାବା ମହାକାଳଶ୍ବରଙ୍କ ମନ୍ଦିର। ବର୍ତ୍ତମାନ ଏହି ମନ୍ଦିରକୁ ପ୍ରତିଷ୍ଠିତ ସ୍ବଚ୍ଛ ଆଇକୋନିକ ସ୍ଥାନ ତାଲିକାରେ ସାମିଲ ହୋଇଛି । ସ୍ବଚ୍ଛ ଭାରତ ମିଶନ ଫେଜ-2 ଅନ୍ତର୍ଗତ ଜଳଶକ୍ତି, ପାନୀୟ ଜଳ ଏବଂ ସ୍ବଚ୍ଛ ଭାରତ ମନ୍ତ୍ରଣାଳୟ ଭାରତ ସରକାର ପକ୍ଷରୁ ପ୍ରଥମ ରନର ଅଫ ଭାବେ ଘୋଷଣା କରାଯାଇଛି । ନୂଆଦିଲ୍ଲୀସ୍ଥିତ ବିଜ୍ଞାନ ଭବନରେ ଆୟୋଜିତ ହେବାକୁ ଥିବା ସ୍ବଚ୍ଛତା ମହୋତ୍ସବ କାର୍ଯ୍ୟକ୍ରମରେ ମହାକାଳେଶ୍ବର ମନ୍ଦିରକୁ ସମ୍ମାନିତ କରାଯିବ ।
ଏହି ସମ୍ମାନ ସମାରୋହ କାର୍ଯ୍ୟକ୍ରମରେ ମହାକାଳେଶ୍ବର ପ୍ରବନ୍ଧକ ସମିତିର ଅଧ୍ୟକ୍ଷ, ଜିଲ୍ଲାପାଳ ଶଶାଙ୍କ ମିଶ୍ର ଓ ପ୍ରଶାସକ ସୁଜା ସିଂ ରାୱତ ସାମିଲ ହେବେ । ଏହା ପୂର୍ବରୁ ମଧ୍ୟ ପାନୀୟ ଜଳ ଓ ସ୍ବଚ୍ଛ ବିଭାଗ ଭାରତ ସରକାର, ନୂଆଦିଲ୍ଲୀ ଉଜ୍ଜୟନୀ ଏହି ମନ୍ଦିରକୁ ସ୍ବଚ୍ଛତା ଆଇକୋନିକ ସ୍ଥାନ ରୂପେ ଘୋଷଣା କରିଥିଲା।
ମହାକାଳେଶ୍ବର ମନ୍ଦିରର ପ୍ରତିଟି କୋଣ ଅନୁକୋଣରେ ସ୍ବଚ୍ଛତା ଓ ସୁନ୍ଦରତା ଦେଖିବାକୁ ମିଳିଥାଏ । ଦେଶ-ବିଦେଶରୁ ଆସୁଥିବା ଶ୍ରଦ୍ଧାଳୁ ଏଠାକାର ସଫାସୁତରା ପରିବେଶ ଦେଖି କେବଳ ପ୍ରସନ୍ନ ନୁହେଁ ବ୍ୟବସ୍ଥାକୁ ନେଇ ମଧ୍ୟ ଭୂରିଭୂରି ପ୍ରଶଂସା କରିଥାନ୍ତି । ଗତ 2 ବର୍ଷ ମଧ୍ୟରେ ମହାକାଳେଶ୍ବର ମନ୍ଦିର ପ୍ରବନ୍ଧକ ସମିତି ମନ୍ଦିରର ସ୍ବଚ୍ଛତା ଉପରେ ବିଶେଷ ଧ୍ୟାନ ଦେଇଆସୁଛି । ଯେଉଁଥି ପାଇଁ ମନ୍ଦିରର ସ୍ବଚ୍ଛତାର ପାଇଁ ଆଧୁନିକ ମିଶନକୁ ବ୍ୟବହାର କରୁଛନ୍ତି ।
