ଶ୍ରୀନଗର: ଦୀର୍ଘ ତିନି ଘଣ୍ଟା ପରେ ଜମ୍ମୁ କାଶ୍ମୀରରେ ସ୍ବାଭାବିକ ହୋଇଛି ଗାଡି ଚଳାଚଳ । ଜମ୍ମୁ କାଶ୍ମୀରର ଜାତୀୟ ରାଜପଥ ବାନିହାଲ କେ ସହାବାନ ବାସରେ ଭୂସ୍କଳନ ପାଇଁ ଟ୍ରାଫିକ ଜାମ ହୋଇଥିଲା । ତିନି ଘଣ୍ଟା ପରେ ସ୍ଥିତିରେ ସୁଧାର ଆସିଛି ।
ସୂଚନାନୁସାରେ, ଆଜି ସକାଳୁ ଜମ୍ମୁର ସହାବାନଠାରେ ଭୂସ୍କଳନ ହୋଇଥିଲା । ଫଳରେ ଜାତୀୟ ରାଜପଥ ସମ୍ପୂର୍ଣ୍ଣ ବନ୍ଦ ରହିଥିଲା । ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା । ପ୍ରାୟ ତିନି ଘଣ୍ଟା ଧରି ରାସ୍ତାରେ ଗାଡି ଗୁଡିକ ଅଟକି ରହିଥିଲା । ଫଳରେ ଟ୍ରକ ଡ୍ରାଇଭରଙ୍କଠାରୁ ଆରମ୍ଭ କରି ସମସ୍ତ ଗାଡି ଚାଳକ ବହୁ ସମସ୍ୟାର ସମ୍ମୁଖୀନ ହୋଇଥିଲେ ।
ତିନିଘଣ୍ଟା ପରେ ରାଜପଥକୁ ସଫା କରାଯିବା ପରେ ଗାଡି ଚଳାଚଳ ସ୍ବାଭାବିକ ହୋଇଛି । ତେବେ ଜମ୍ମୁର ସହାବାନଠାରେ ବାରମ୍ବାର ଭୂସ୍କଳ ହେଉଥିବା ଦେଖିବାକୁ ମିଳିଛି । ହାଲୁକା ବର୍ଷା ହେବା ମାତ୍ରେ ସେଠାରେ ବାରମ୍ବାର ଭୂସ୍କଳନ ହେଉଛି । ସହାବାନଠାରେ ଗାଡି ଚଳାଚଳ ସ୍ବାଭାବିକ ହୋଇଥିଲେ ମଧ୍ୟ ରାମବାନ ଓ ବାନିହାଲର ବିଭିନ୍ନ ଅଞ୍ଚଳରେ ଟ୍ରାଫିକ ଜାମ ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
