ହାଇଦ୍ରାବାଦ: ମର୍ମନ୍ତୁଦ ସଡକ ଦୁର୍ଘଟଣାରେ 5 ଜଣଙ୍କର ମୃତ୍ୟୁ ହୋଇଛି । ନାଲଗୋଣ୍ତା ଜିଲ୍ଲାର ହାଇଦ୍ରାବାଦ ନାଗାର୍ଜୁନସାଗର ରୋଡରେ କାର ଓଲଟି ପଡିବାରୁ ଘଟଣାସ୍ଥଳରେ 4 ଜଣଙ୍କର ପ୍ରାଣବାୟୁ ଉଡିଯାଇଥିଲା । ଜଣଙ୍କର ଅବସ୍ଥା ଗୁରୁତର ରହିଥିଲା । ହେଲେ ମେଡିକାଲ ନେବା ବାଟରେ ତାଙ୍କର ମୃତ୍ୟୁ ଘଟିଥିଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ହାଇଦ୍ରାବାଦ ନାଗାର୍ଜୁନସାଗର ରୋଡରେ ଓଲଟିଲା କାର, 5 ମୃତ
ଗାଡିଟି ଦୃତଗତିରେ ଥିବାରୁ ଦୁର୍ଘଟଣା ଘଟିଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ମୃତକ 5 ଜଣଙ୍କ ମଧ୍ୟରୁ 3 ଜଣଙ୍କ ପରିଚୟ ମିଳିଥିବା ବେଳେ ଅନ୍ୟ 2 ଜଣଙ୍କ ପରିଚୟ ମିଳି ନ ଥିବା ସୂଚନା ମିଳିଛି । ତେବେ,ଗାଡିଟି ହାଇଦ୍ରାବାଦରୁ ସାଗରକୁ ଯାଉଥିବା ସମୟରେ ଏହି ଅଘଟଣ ଘଟିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
