ଥିରୁଅନନ୍ତପୁରମ: ବିଜେପି ସାଂସଦଙ୍କ ଟ୍ବିଟକୁ ନେଇ ତାଙ୍କ ବିରୁଦ୍ଧରେ ନିଜ ପଟୁ ଏକ ମାମଲା ରୁଜୁ କରିଛି କେରଳ ପୋଲିସ । କର୍ଣ୍ଣାଟକର ଉଡୁପି-ଚିକମାଗାଲୁରର ବିଜେପି ସାଂସଦ ଶୋଭା କରଣ୍ଡଲାଜେ ନିଜ ଟ୍ବିଟରେ କେରଳ ଦ୍ବିତୀୟ କାଶ୍ମୀର ହେବା ପଥରେ ଗତି କରୁଛି । ନାଗରିକତା ସଂଶୋଧନ ଆଇନ(ସିଏଏ)କୁ ସମର୍ଥନ କରୁଥିବା ହିନ୍ଦୁଙ୍କୁ ଏଠାରେ ପିଇବା ପାଣି ଯୋଗାଣ ବନ୍ଦ କରାଯାଉଛି। ଏହି ଟ୍ବିଟ ପରେ ପୋଲିସ ତାଙ୍କ ନାଁରେ ମାମଲା ରୁଜୁ କରିଛି ।
କେରଳ ପୋଲିସ ବିଜେପି ସାଂସଦଙ୍କ ବିରୋଧରେ ଧର୍ମ ଓ ଜାତି ଆଧାରରେ ବିଭିନ୍ନ ସମ୍ପ୍ରଦାୟ ମଧ୍ୟରେ ଶତ୍ରୁତାକୁ ପ୍ରୋତ୍ସାହିତ କରୁଛନ୍ତି । ଜାନୁଆରୀ 22ରେ ସାଂସଦ କରିଥିବା ଟ୍ବିଟ ଆଧାରରେ ତାଙ୍କ ବିରୁଦ୍ଧରେ ମାମଲା ରୁଜୁ କରିଛି। ନିଜ ଟ୍ବିଟରେ ସେ ମଲ୍ଲପୁରମର କୁଟ୍ଟିପୁରମ ପଞ୍ଚାୟତର ହିନ୍ଦୁଙ୍କୁ ପାଣି ଯୋଗାଣ ବନ୍ଦ କରାଯାଇଛି। କାରଣ ସେମାନେ ୨୦୧୯ ସିଏଏକୁ ସମର୍ଥନ କରିଥିଲେ।
