ରାୟପୁର: ଛତିଶଗଡ଼ କୋରିଆ ଜିଲ୍ଲାରେ କୋଇଲା ଖଣିରେ ଅଘଟଣ । ଜିଲ୍ଲାର ବୈକୁଣ୍ଠ ଅଞ୍ଚଳ ଅନ୍ତର୍ଗତ ଝିଲମିଲ ନାମକ ଏକ କୋଇଲା ଖଣିରେ ଧସିଲା ମାଟି ଅତଡ଼ା । ଫଳରେ 2 ଜଣଙ୍କର ମୃତ୍ୟୁ ହୋଇଥିବାବେଳେ 10 ଜଣ ଶ୍ରମିକ ଫସିଥିବା ସୂଚନା ମିଳିଛି ।
ଭିଡିଓ ସୌଜନ୍ୟ: ଇଟିଭି ଭାରତ
ପାଖାପାଖି 2 ରୁ 3 କିଲୋମିଟର ଗଭୀରରେ ଏହି ଦୁର୍ଘଟଣା ଘଟିଛି । ଘଟଣା ସମ୍ପର୍କରେ ସ୍ଥାନୀୟ ପୋଲିସ ସୂଚନା ପାଇ ଉଦ୍ଧାରକାରୀ ଦଳଙ୍କ ସହ ଘଟଣାସ୍ଥଳରେ ପହଞ୍ଚିଛି । ସେପଟେ ଏସଇସିଏଲର ଅଧିକାରୀ ଏବଂ କର୍ମଚାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି ।
