ନୂଆଦିଲ୍ଲୀ: ବିଦେଶରେ କାମ କରୁଥିବା ପୁଅକୁ ଫେରି ପାଇବାକୁ ଭାରତ ସରକାରଙ୍କୁ ପରିବାରର ଆକୁଳ ନିବେଦନ । ଏହି ନିବେଦନ କରିଛନ୍ତି ଦୁବାଇର ଏକ ସିପିଂ କମ୍ପାନୀରେ କାମ କରୁଥିବା ଆୟୁଷ ଚୌଧୁରୀଙ୍କ ପରିବାର । ସେ ଦୁବାଇରେ କାମ କରୁଥିବାବେଳେ ସେ ଇରାନରେ ନିଖୋଜ ହୋଇଯାଇଛନ୍ତି ।
ଆୟୁଷଙ୍କ ଭାଇ ଶୁଭମଙ୍କ କହିବାନୁଯାୟୀ 17 ଜୁଲାଇରେ ଆୟୁଷ ସମୁଦ୍ରରେ ବୁଡିଯାଇଥିବା ନେଇ ଖବର ମିଳିଥିଲା । ଘଟଣାର 48 ଘଣ୍ଟା ପରେ କମ୍ପାନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଥିଲା । କିନ୍ତୁ ତାଙ୍କ ସମ୍ପର୍କରେ କୌଣସି ଖବର ମିଳିପାରିନଥିଲା ।
ଏବେ ଇରାନ ସହାୟତାରେ ଏହି ମାମଲାର ତଦନ୍ତ ଭାରତ ସରକାର କରନ୍ତୁ ଏବଂ ଆୟୁଷଙ୍କୁ ଖୋଜି ଭାରତକୁ ଫେରାଇ ଆଣନ୍ତୁ ବୋଲି ତାଙ୍କ ଭାଇ ଶୁଭମ କହିଛନ୍ତି ।
