କାଠମାଣ୍ଡୁ: ଏଣିକି କୈଳାସ ମାନସରୋବର ଯାତ୍ରା ହେବ ମହଙ୍ଗା । ମାନସରୋବର ଯାତ୍ରା କରୁଥିଲେ ଗଣିବେ ଅଧିକ ଟଙ୍କା । ଚୀନ ପକ୍ଷରୁ ମାନସରୋବର ଯାତ୍ରା ପାଇଁ ଟଙ୍କା ବୃଦ୍ଧି କରାଯାଇଛି । ବିଶେଷ କରି ଭାରତୀୟ ନାଗରିକଙ୍କ ଏହି ମୂଲ୍ୟବୃଦ୍ଧି କରାଯାଇଥିବା ସୂଚନା ରହିଛି ।
କୈଳାସ ମାନସରୋବର ଯାତ୍ରା କରିବାକୁ ହେଲେ ନେପାଳ-ଚୀନ ରାସ୍ତା ଦେଇ ଯିବାକୁ ପଡେ । ପ୍ରତ୍ୟେକ ବର୍ଷ 20 ହଜାରରୁ ଊର୍ଦ୍ଧ୍ବ ତୀର୍ଥଯାତ୍ରୀ ଯାତ୍ରା କରିଥାନ୍ତି । ଦିନକୁ ଦିନ ତୀର୍ଥଯାତ୍ରୀଙ୍କ ସଂଖ୍ୟା ବୃଦ୍ଧି ପାଉଥିବାରୁ ଏହାକୁ ଦୃଷ୍ଟିରେ ରଖି ଚୀନ ପକ୍ଷରୁ ଏହି ମୂଲ୍ୟବୃଦ୍ଧି କରାଯାଇଛି । ତେବେ ନଜର ପକାନ୍ତୁ, କେତେ ଟଙ୍କା ବୃଦ୍ଧି ପାଇଛି ?
- ମାନସରୋବର ରାସ୍ତା ପାଇଁ ପୂର୍ବରୁ ଥିଲା 13 ହଜାର ଟଙ୍କା,ବର୍ତ୍ତମାନ ଏହା ବୃଦ୍ଧି ପାଇ 18 ହଜାର 500 ଟଙ୍କାରେ ପହଞ୍ଚିଛି ।
- ଲାସ୍ହାରୁ ମାନସରୋବର ପାଇଁ ପୂର୍ବରୁ ଥିଲା 23 ହଜାର ଟଙ୍କା, ବର୍ତ୍ତମାନ ଏହା ବୃଦ୍ଧି ପାଇଁ 31 ହଜାରରେ ପହଞ୍ଚିଛି ।
- ହୁମଲାରୁ ମାନସରୋବର ପାଇଁ ପୂର୍ବରୁ ଥିଲା 17 ହଜାର ଟଙ୍କା, ବର୍ତ୍ତମାନ ଏହା ବୃଦ୍ଧି ପାଇ 26ହଜାର ଟଙ୍କା ହୋଇଛି ।
ଏନେଇ ନେପାଳ କୈଳାସ ସଂଘର ଅଧ୍ୟକ୍ଷ ନାରାୟଣ ପୋଖଲେ କହିଛନ୍ତି, ପ୍ରତିବର୍ଷ ଚୀନ ମାନସରୋବର ଯାତ୍ରା ପାଇଁ 10 ପ୍ରତିଶତ ଅର୍ଥ ବୃଦ୍ଧି କରେ । କିନ୍ତୁ ଚଳିତ ବର୍ଷ 40 ପ୍ରତିଶତ ବୃଦ୍ଧି ପାଇଛି । ମାତ୍ରାଧିକ ମୂଲ୍ୟ ବୃଦ୍ଧି ଯୋଗୁଁ ଚଳିତ ବର୍ଷ ତୀର୍ଥଯାତ୍ରୀଙ୍କ ସଂଖ୍ୟା ହ୍ରାସ ପାଇବ ବୋଲି ସେ ଅନୁମାନ କରାଯାଉଛି ।
