ନୂଆଦିଲ୍ଲୀ: ଦାତି ମହାରାଜ ଏବଂ ତାଙ୍କ ତିନି ଭାଇଙ୍କ ବିରୋଧରେ ହୋଇଥିବା ଦୁଷ୍କର୍ମ ମାମଲାରେ ସିବିଆଇ ଆଜି ଏକ ସପ୍ଲିମେଣ୍ଟାରୀ ଚାର୍ଜସିଟ ଦାଖଲ କରିଛି। ସିବିଆଇ କୋର୍ଟରେ ସିଲ୍ ହୋଇଥିବା ଲଫାପାରେ ସପ୍ଲିମେଣ୍ଟାରୀ ଦାଖଲ ହୋଇଛି।
ସୂଚନା ଅନୁସାରେ, ଫେବୃଆରୀ 15 ରେ, ସାକେତ କୋର୍ଟ ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ ପାଇଁ ଅଧିକ ସମୟ ଦାବିକୁ ସିବିଆଇର ପ୍ରତ୍ୟାଖ୍ୟାନ କରିଛନ୍ତି। ଏହାସହ ମାର୍ଚ୍ଚ 3 ରେ ମାମଲାର ଶୁଣାଣି କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ବାସ୍ତବରେ, ଏହି ମାମଲାରେ ଶେଷ ସୁଯୋଗ ଦିଆଯିବା ପରେ ମଧ୍ୟ ସିବିଆଇ ଏକ ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରିନାହିଁ। ଶୁଣାଣି ସମୟରେ ଯେତେବେଳେ ସିବିଆଇ ଅଧିକ ସମୟ ମାଗିଥିଲା, କୋର୍ଟ ଏହି ଦାବିକୁ ପ୍ରତ୍ୟାଖ୍ୟାନ କରିଥିଲେ।
ଅକ୍ଟୋବର 3, 2018 ରେ ଦିଲ୍ଲୀ ହାଇକୋର୍ଟ ଏହି ମାମଲାର ତଦନ୍ତକୁ ସିବିଆଇକୁ ହସ୍ତାନ୍ତର କରିବାକୁ ନିର୍ଦ୍ଦେଶ ଦେଇଥିଲେ। ଦିଲ୍ଲୀ ପୋଲିସର ତଦନ୍ତରେ ହାଇକୋର୍ଟ ମଧ୍ୟ ସନ୍ତୁଷ୍ଟ ନୁହଁନ୍ତି। ଯେତେବେଳେ ହାଇକୋର୍ଟ ଚାର୍ଜସିଟରେ ଦେଖିଲେ ଯେ ଦାତି ମହାରାଜଙ୍କୁ ଗିରଫ କରିବା ପାଇଁ ପୋଲିସ ଏପର୍ଯ୍ୟନ୍ତ ପର୍ଯ୍ୟାପ୍ତ ପ୍ରମାଣ ପାଇନାହିଁ, ସେତେବେଳେ ସେ କ୍ଷୁବ୍ଧ ହୋଇ ଯାଇଥିଲେ। ତଦନ୍ତ ସିବିଆଇକୁ ହସ୍ତାନ୍ତର କରୁଥିବାବେଳେ ହାଇକୋର୍ଟ ଏହି ମାମଲାରେ ସପ୍ଲିମେଣ୍ଟାରୀ ଚାର୍ଜସିଟ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି।
କୋର୍ଟ ଏକ ଲକ୍ଷ ଟଙ୍କା ବଣ୍ଡରେ ଦାତି ମହାରାଜ ଏବଂ ତାଙ୍କ ତିନି ଭାଇଙ୍କୁ ଜାମିନ ପ୍ରଦାନ କରିଛନ୍ତି। ଦାତି ମହାରାଜ ତଦନ୍ତକୁ କୌଣସି ପ୍ରକାରେ ପ୍ରଭାବିତ କରିବେ ନାହିଁ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି। ସେମାନେ ପ୍ରମାଣ ସହିତ ଗଡବଡ ଓ ସାକ୍ଷୀମାନଙ୍କୁ ପ୍ରଭାବିତ କରିବେ ନାହିଁ । ଏପରିକି ପୀଡିତା ଏବଂ ତାଙ୍କ ପରିବାର ସଦସ୍ୟଙ୍କ ସହ କିଛି ଯୋଗାଯୋଗ ରଖିବେ ନାହିଁ ବୋଲି କୋର୍ଟ କହିଛନ୍ତି। କୋର୍ଟ ଅନୁମତି ବିନା ଦାତି ମହାରାଜଙ୍କୁ ବିଦେଶ ଯିବାକୁ ବାରଣ କରାଯାଇଛି।
