ଲକ୍ଷ୍ନୌ: ପୁଣି ଉତ୍ତରପ୍ରଦେଶରେ ଲଜ୍ଜା । ଜଣେ ନାବାଳିକା ସହ ଦୁଇ ଜଣ ଯୁବକ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି । ଏଭଳି ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ସିତାପୁର ଜିଲ୍ଲାର ରୁଦିନ୍ ଗ୍ରାମରେ ।
ପୋଲିସଙ୍କ ଅନୁଯାୟୀ, ଗତ ଜୁନ୍ 26ରେ ଦୁଇ ଜଣ ଯୁବକ ମହିଳାଙ୍କୁ ଇସଲାମିକ୍ ସ୍କୁଲ ମଧ୍ୟରେ ଗଣଦୁଷ୍କର୍ମ କରିଥିଲେ । କିନ୍ତୁ ପୀଡିତାଙ୍କ ବୟାନ ଅନୁଯାୟୀ ତାଙ୍କୁ ସ୍କୁଲ ନିକଟରେ ଥିବା ଫାର୍ମରେ ଗଣଦୁଷ୍କର୍ମ କରାଯାଇଥିଲା ।
ତେବେ ପୀଡିତାଙ୍କ ଅଭିଯୋଗ ଆଧାରରେ ପୋଲିସ ତଦନ୍ତ କରୁଥିବା ନେଇ ଆଡିସନାଲ ସୁପରିଟେଣ୍ଡେଣ୍ଟ ମହେନ୍ଦ୍ର ପ୍ରତାପ ସିଂ ସୂଚନା ଦେଇଛନ୍ତି । ତେବେ ଏହି ଘଟଣା ନେଇ ଏପର୍ଯ୍ୟନ୍ତ କୌଣସି ଅଭିଯୁକ୍ତ ଗିରଫ ହୋଇନାହାଁନ୍ତି ।
