ଭୋପାଳ: ମଧ୍ୟପ୍ରଦେଶ ଭୋପାଳସ୍ଥିତ କମଲା ନେହେରୁ ହସ୍ପିଟାଲରେ ଭୟଙ୍କର ଅଗ୍ନିକାଣ୍ଡ । ସୋମବାର ରାତିରେ ହସ୍ପିଟାଲର ଶିଶୁ ବିଭାଗ(paediatric ward)ରେ ନିଆଁ ଲାଗିଛି । ଏଥିରେ ମୋଟ ୪ ଜଣ ଶିଶୁଙ୍କ ମୃତ୍ୟୁ ଘଟିଛି । ଅଗ୍ନିକାଣ୍ଡ ସମ୍ପର୍କରେ ଖବର ମିଳିବା ପରେ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ଏ ଯାଏଁ ଏହି ଅଘଟଣର କାରଣ ଅସ୍ପଷ୍ଟ ରହିଛି । ଘଟଣାରେ ମୁଖ୍ୟମନ୍ତ୍ରୀ ଗଭୀର ଦୁଃଖପ୍ରକାଶ କରିବା ସହ ମୃତ ଶିଶୁଙ୍କ ପରିବାର ପିଛା ସରକାର ୪ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଛନ୍ତି ।
ସୂଚନାଯୋଗ୍ୟ, ରାତି ପ୍ରାୟ ୯ଟା ସମୟରେ ମେଡିକାଲର ତୃତୀୟ ମହଲା, ଯାହାକି ପେଡିଆଟ୍ରିକ ୱାର୍ଡ ଅଟେ ସେଠାରେ ନିଆଁ ଲାଗିଥିଲା । ପେଡିଆଟ୍ରିକ ବିଭାଗରେ ମୋଟ ୪୦ ଜଣ ଶିଶୁ ଭର୍ତ୍ତି ହୋଇଥିଲେ । ଅଗ୍ନିକାଣ୍ଡ ଘଟିବା ମାତ୍ରେ ସେମାନଙ୍କ ମଧ୍ୟରୁ ୩୬ ଜଣଙ୍କୁ ଅନ୍ୟ ୱାର୍ଡକୁ ସ୍ଥାନାନ୍ତରିତ କରାଯାଇଥିଲା । ମାତ୍ର ୪ ଜଣ ଶିଶୁଙ୍କୁ ରକ୍ଷା କରାଯାଇପାରିନାହିଁ ।
-
भोपाल के कमला नेहरू अस्पताल के चाइल्ड वार्ड में आग की घटना दुखद है। बचाव कार्य तेजी से हुआ। घटना की उच्चस्तरीय जांच के निर्देश दिए हैं। जांच एसीएस लोक स्वास्थ्य एवं चिकित्सा शिक्षा मोहम्मद सुलेमान करेंगे।
— Shivraj Singh Chouhan (@ChouhanShivraj) November 8, 2021 " class="align-text-top noRightClick twitterSection" data="
">भोपाल के कमला नेहरू अस्पताल के चाइल्ड वार्ड में आग की घटना दुखद है। बचाव कार्य तेजी से हुआ। घटना की उच्चस्तरीय जांच के निर्देश दिए हैं। जांच एसीएस लोक स्वास्थ्य एवं चिकित्सा शिक्षा मोहम्मद सुलेमान करेंगे।
— Shivraj Singh Chouhan (@ChouhanShivraj) November 8, 2021भोपाल के कमला नेहरू अस्पताल के चाइल्ड वार्ड में आग की घटना दुखद है। बचाव कार्य तेजी से हुआ। घटना की उच्चस्तरीय जांच के निर्देश दिए हैं। जांच एसीएस लोक स्वास्थ्य एवं चिकित्सा शिक्षा मोहम्मद सुलेमान करेंगे।
— Shivraj Singh Chouhan (@ChouhanShivraj) November 8, 2021
ଏହି ଅଘଟଣରେ ମୁଖ୍ୟମନ୍ତ୍ରୀ ଶିବରାଜ ଚୌହାନ ଦୁଃଖପ୍ରକାଶ କରି କହିଛନ୍ତି, କମଳା ନେହୁରୁ ହସ୍ପିଟାଲର ଶିଶୁ ୱାର୍ଡରେ ଘଟିଥିବା ଅଗ୍ନିକାଣ୍ଡ ଖୁବ୍ ଦୁଃଖଦାୟକ । ଦ୍ରୁତଗତିରେ ଉଦ୍ଧାର କାର୍ଯ୍ୟ କରାଯାଇଛି । ଘଟଣାରେ ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ACS ଜନସ୍ବାସ୍ଥ୍ୟ ଏବଂ ଚିକିତ୍ସା ଶିକ୍ଷା(ACS Public Health and Medical Education ) ମହମ୍ମଦ ସୁଲେମନ ଘଟଣାର ତଦନ୍ତ କରିବେ ।
ଅନ୍ୟଏକ ଟ୍ବିଟରେ ମୁଖ୍ୟମନ୍ତ୍ରୀ ଲେଖିଛନ୍ତି, ଶିଶୁମାନଙ୍କ ଅକାଳ ବିୟୋଗ ଅସହନୀୟ ପୀଡାଦାୟକ । ଈଶ୍ବରଙ୍କ ନିକଟରେ ଦିବଙ୍ଗତ ଆତ୍ମାଙ୍କ ଶାନ୍ତି ପାଇଁ ପ୍ରାର୍ଥନା କରୁଛି । ମୃତ ଶିଶୁଙ୍କ ପରିବାର ପ୍ରତି ମୋର ଗଭୀର ସମବେଦନା ରହିଛି । ଅଗ୍ନିକାଣ୍ଡରେ ଆହତ ହୋଇଥିବା ଶିଶୁ ଶୀଘ୍ର ସୁସ୍ଥଲାଭ କରନ୍ତୁ ଏହା ମୋର କାମନା ବୋଲି ଶିବରାଜ ପ୍ରକାଶ କରିଛନ୍ତି ।
