ବଳ ଗୋଟାଉଛି ବିଜେଡି: ଶଙ୍ଖ ଫୁଙ୍କିବେ 3000ରୁ ଊର୍ଦ୍ଧ୍ବ କଂଗ୍ରେସ ଓ ବିଜେପି କର୍ମୀ - Dhenkanal constituency

Angul BJD: ଅନୁଗୋଳ: ବଳ ଗୋଟାଉଛି ବିଜେଡି । ଢେଙ୍କାନାଳ ସଂସଦୀୟ କ୍ଷେତ୍ରରେ ବିଜେଡିରେ ସାମିଲ ହେବାକୁ ଯାଉଛନ୍ତି ପ୍ରାୟ ତିନି ହଜାରରୁ ଅଧିକ ବିଜେପି ଓ କଂଗ୍ରେସ କର୍ମୀ ଓ ନେତା । ଏହି କ୍ଷେତ୍ରରୁ ଡାକ୍ତର ଅଭିନାଶ ସାମଲ ପ୍ରାର୍ଥୀ ହେବା ପରେ ନବୀନ ସରକାରଙ୍କ ଉପରେ ଲୋକଙ୍କ ଆସ୍ଥା ବଢି ଥିବା କାରଣରୁ ଏହି ଦଳର ସାମିଲ ହେବାକୁ ଯାଉଛନ୍ତି ବୋଲି କହିଛନ୍ତି ନେତା ଓ କର୍ମୀ ।

ଢେଙ୍କାନାଳ ଲୋକସଭା ନିର୍ବାଚନ ମଣ୍ଡଳୀରୁ ଆଜି (ଶୁକ୍ରବାର) ପ୍ରାୟ ୩ ହଜାରରୁ ଅଧିକ ବିଜେପି ଓ କଂଗ୍ରେସ କର୍ମୀ ଏବଂ ନେତା ବିଜେଡିରେ ଯୋଗ ଦେବାକୁ ଯାଉଛନ୍ତି । ଶଙ୍ଖ ଭବନରେ ଅନୁଷ୍ଠିତ ମିଶ୍ରଣ ପର୍ବ କାର୍ଯ୍ୟକ୍ରମରେ ସେମାନେ ଦଳରେ ସାମିଲ ହେବେ । ଆଜି ଅପରାହ୍ନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ୫ଟି ଅଧ୍ୟକ୍ଷ ଭି.କେ.ପାଣ୍ଡିଆନଙ୍କ ଉପସ୍ଥିତିରେ ବିଜେଡିରେ ଯୋଗ ଦେବେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଓ ନିର୍ମଳ ଶାସନରେ ଆକର୍ଷିତ ହୋଇ ସେମାନେ ବିଜେଡିରେ ଯୋଗ ଦେବା କଥା କହିଛନ୍ତି । ଏହାଛଡା ଢେଙ୍କାନାଳ ଲୋକସଭା ପ୍ରାର୍ଥୀ ଭାବେ ଯୁବ ଡାକ୍ତର ଅବିନାଶ ସାମଲଙ୍କୁ ମୁଖ୍ୟମନ୍ତ୍ରୀ ସୁଯୋଗ ଦେଇଥିବାରୁ ତାଙ୍କୁ କୃତଜ୍ଞତା ଜଣାଇଛନ୍ତି । ଆଉ ମଧ୍ୟ ଅନୁଗୋଳ, ହିନ୍ଦୋଳ, ଢେଙ୍କାନାଳ ସଦର ଓ ତାଳଚେର ଓ ପାଲଲହଡା ବିଧାନସଭା ନିର୍ବାଚନ ମଣ୍ଡଳୀର ବିଜେଜି ଓ କଂଗ୍ରେସ ଦଳର ନେତା ମନେ ବିଜେଡି ସାମିଲ ହେଉଛନ୍ତି ।

ଇଟିଭି ଭାରତ, ଅନୁଗୋଳ