ଆଜିଠୁ ଆଇପିଏଲ, କିଏ ମାରିବ ବାଜି ? - IPL 2024

IPL 2024:କଟକ: ଆଉ କିଛି ସମୟର ଅପେକ୍ଷା । ଆରମ୍ଭ ହେବ ମହାଲଢ଼େଇ ଆଇପିଏଲ ସିଜନ 17 । ପ୍ରଥମ ମ୍ୟାଚରେ ମୁହାଁମୁହିଁ ହେବେ ବାଙ୍ଗାଲୋର ବନାମ ଚେନ୍ନାଇ । ବିରାଟ ବନାମ ଧୋନି । ଫ୍ୟାନ୍ସଙ୍କ କ୍ରେଜ ମଧ୍ୟରେ ଝୁମିବ ଚେପକ ଷ୍ଟାଡିୟମ । ତେବେ ଏହି ମ୍ୟାଚରେ କିଏ ମାରିବ ବାଜି । କିଏ ହେବ ଟ୍ରମ୍ପକାର୍ଡ । ଏନେଇ ଅଧିକ କ୍ରୀଡ଼ା ସମୀକ୍ଷକ ପବନ ଅଗ୍ରୱାଲଙ୍କ ଆଲୋଚନା କରିଛନ୍ତି ଇଟିଭି ଭାରତ ପ୍ରତିନିଧି ପ୍ରଭୁକଲ୍ୟାଣ ପାଲ । ପବନ ଅଗ୍ରୱାଲଙ୍କ କହିଛନ୍ତି ଯେ, ଉଭୟ ଦଳ ବହୁତ ଶକ୍ତିଶାଳୀ ରହିଛନ୍ତି । ତେବେ ଗତକାଲି ଚେନ୍ନାଇର ଅଧିନାୟକ ପଦ ଧୋନି ଛାଡ଼ିଥିବା ବେଳେ ଏହା ଦଳକୁ କୌଣସି ପ୍ରଭାବ ପକାଇବ ନାହିଁ । କରଣ ମହେନ୍ଦ୍ର ସିଂ ଧୋନି ପରଦା ପଛରେ ରହି ଗାକ୍ବାଡ଼କୁ ମାର୍ଗଦର୍ଶନ ଦେବେ ।  

ଆଜି ସନ୍ଧ୍ୟା ପରଠାରୁ ଲଗାତର 2 ମାସ ପର୍ଯ୍ୟନ୍ତ 11ଟି ଭେନ୍ୟୁରେ ହେବ ଛକା ଚଉକାର ବର୍ଷା । 10 ଦଳ ମଧ୍ୟରେ 70ଟି ମ୍ୟାଚ ଖେଳାଯିବ । ପ୍ରତିଟି ଦଳ 14ଟି ଲେଖାଏଁ ମ୍ୟାଚ ଖେଳିବେ । ସେହିପରି 2ଟି କ୍ବାଲିଫାୟର, ଗୋଟିଏ ଏଲିମିନେଟର ଓ ଶେଷରେ ଫାଇନାଲ ମ୍ୟାଚ । ଟୁର୍ଣ୍ଣାମେଣ୍ଟ ଆଜିଠାରୁ( ଶୁକ୍ରବାର) ଆରମ୍ଭ ହୋଇ ମେ 26 ପର୍ଯ୍ୟନ୍ତ ମ୍ୟାଚ ଖେଳାଯିବ । ପ୍ରଥମେ ଉଦଘାଟନୀ ଉତ୍ସବ ପରେ ରାତି 8ଚାରେ ଆରମ୍ଭ ହେବ ମ୍ୟାଚ ।

ଇଟିଭି ଭାରତ ,କଟକ