ସ୍ୟାଣ୍ଡ୍ ଆନିମେଶନରେ ପ୍ରଧାନମନ୍ତ୍ରୀଙ୍କୁ ସ୍ଵାଗତ - PM Modi Sand animation

Modi Sand animation: ନିର୍ବାଚନୀ ପ୍ରଚାର ଉଦ୍ଦେଶ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୀ ଗସ୍ତ କରିଥିବା ବେଳେ ଏହାକୁ ନେଇ ପୁରୀବାସୀ ବେଶ ଉତ୍ସାହିତ ରହିଛନ୍ତି  । ମୋଦିଙ୍କ ସମର୍ଥକଙ୍କ ମଧ୍ଯରେ ଦେଖାଦେଇଛି ଉତ୍ସାହ ଓ ଉଦ୍ଦୀପନା । ମୋଦିଙ୍କୁ ସ୍ଵାଗତ କରିବା ପାଇଁ ମୋଦିଙ୍କ ପ୍ରଶଂସକମାନେ ଅନେକ ନିଆରା ଢଙ୍ଗରେ ପ୍ରସ୍ତୁତ ହୋଇଛନ୍ତି । ପୁରୀର ଭାସ୍କର୍ଯ୍ୟ ଶିଳ୍ପୀ ଶ୍ରୀଧର ଦାଶ ସ୍ୟାଣ୍ଡ ଆନିମେଶନ ଜରିଆରେ ପ୍ରଧାନମନ୍ତ୍ରୀଙ୍କୁ ପୁରୀ ଆସିବାର ଶୁଭେଚ୍ଛା ଜଣାଇଛନ୍ତି । ବାଲିରେ ସ୍ୟାଣ୍ଡ ଆର୍ଟ ତିଆରି କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ପ୍ରତିକୃତିକୁ ସ୍ଥାନ ଦେଇଛନ୍ତି ଭାସ୍କର୍ଯ୍ୟ ଶିଳ୍ପୀ ଶ୍ରୀଧର ଦାଶ । 

ମୋଦି ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୁଅନ୍ତୁ ଏବଂ ଭାରତର ସମୃଦ୍ଧି କରନ୍ତୁ ବୋଲି ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଥିବା କହିଛନ୍ତି ଭାସ୍କର୍ଯ୍ୟ ଶିଳ୍ପୀ ଶ୍ରୀଧର ଦାସ । ତେବେ ଭାସ୍କର୍ଯ୍ୟ ଶିଳ୍ପୀ ଶ୍ରୀଧର ଦାସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜଣେ ବଡ ପ୍ରଶଂସକ । ମୋଦିଙ୍କ ନେତୃତ୍ଵକୁ ସେ ବେଶ ପ୍ରଶଂସା କରନ୍ତି । ପ୍ରତିବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିବସକୁ ମଧ୍ୟ ଭାସ୍କର୍ଯ୍ୟ ଶିଳ୍ପୀ ଶ୍ରୀଧର ଦାସ ଏକ ନିଆରା ଢଙ୍ଗରେ ପାଳନ କରିଥାନ୍ତି  ।

ଇଟିଭି ଭାରତ, ପୁରୀ