ରାମ ମନ୍ଦିର ନିର୍ମାଣ ଶ୍ରମିକଙ୍କ ଉପରେ ପୁଷ୍ପ ବର୍ଷା କଲେ ମୋଦି, କହିଲେ ଆପଣମାନେ ରାମ ମନ୍ଦିରକୁ ଭବ୍ୟ ବନାଇଛନ୍ତି

Modi Showers Flower Petals on Workers ଲକ୍ଷ୍ନୌ: ଆଜି ସାରା ବିଶ୍ବ ରାମମୟ । 5ଶହ ବର୍ଷର ସଂଘର୍ଷ ଅନ୍ତ ହୋଇଛି । ପ୍ରତିଷ୍ଠା ହେଲା ରାମଲାଲାଙ୍କ ବିଗ୍ରହ । ମାତ୍ର 84 ସେକେଣ୍ଡର ଦିବ୍ୟ ମୁହୁର୍ତ୍ତ ମଧ୍ୟରେ ହିଁ ବିରାଜମାନ କରିଲେ ରାମଲାଲା । ପ୍ରତିଷ୍ଠା ଉତ୍ସବ ସମ୍ପନ୍ନ ହେବା ପରେ ସାଷ୍ଚାଙ୍ଗ ପ୍ରଣାମ କରିଥିଲେ ମୋଦି । ଏହାପରେ ଦେଶବାସୀଙ୍କୁ ସମ୍ବୋଧିତ କରିଥିଲେ । ତେବେ ଦେଶବାସୀଙ୍କୁ ଧନ୍ୟବାଦ ଦେବା ସହିତ ମନ୍ଦିର ନିର୍ମାଣ କରିଥିବା ଶ୍ରମିକଙ୍କ ସହିତ ସାକ୍ଷାତ କରିଛନ୍ତି ପ୍ରଧାନମନ୍ତ୍ରୀ । ଅଯୋଧ୍ୟାରେ ରାମ ମନ୍ଦିର ନିର୍ମାଣରେ ସାମିଲ ହୋଇଥିବା ଶ୍ରମିକମାନଙ୍କ ସହିତ ସାକ୍ଷାତ କରିବା ସହିତ ସେମାନଙ୍କ ଉପରେ ପୁଷ୍ପ ବର୍ଷା କରିଥିଲେ । ଶ୍ରମିକମାନଙ୍କର ସମାଗମ ହୋଇଥିବା ବେଳେ ମୋଦି ସମସ୍ତଙ୍କ ନିକଟକୁ ଯାଇ ଗୋଲାପ ପାଖୁଡା ବର୍ଷା କରିଛନ୍ତି ।  

ସମସ୍ତ ଶ୍ରମିକଙ୍କୁ ଭେଟିବାବେଳେ ମୋଦି କହିଛନ୍ତି, "ଆପଣମାନେ ଯେଉଁ ସବୁ କାର୍ଯ୍ୟ କରିଛନ୍ତି ତାହା ଶତାବ୍ଦୀ ଧରି ଦେଶବାସୀଙ୍କ ଅପେକ୍ଷାରେ ରହିଥିଲା । ଆପଣମାନେ ରାମ ମନ୍ଦିରକୁ ଭବ୍ୟ ବନାଇଛନ୍ତି । ଏଥିପାଇଁ ସମଗ୍ର ସନାତନ ସମାଜ ଆପଣ ସମସ୍ତଙ୍କୁ ପ୍ରଶଂସା କରୁଛି ।  ସମଗ୍ର ଦେଶ ତରଫରୁ ସମସ୍ତ ଶ୍ରମିକମାନଙ୍କୁ ଶୁଭେଚ୍ଛା ଏବଂ ଆର୍ଶିବାଦ । କମ୍ ସମୟ ମଧ୍ୟରେ ଏପରି ଏକ ଭବ୍ୟ ମନ୍ଦିର ନିର୍ମାଣ କରିପାରିଛନ୍ତି, ସତରେ ଏହା ଏକ ଅଦ୍ଭୁତ କାର୍ଯ୍ୟ ।"