ଜନମଙ୍ଗଳ ସଂସ୍ଥା ପକ୍ଷରୁ ରାଜଧାନୀରେ ପାଳନ ହେଲା ପଣା ଉତ୍ସବ - Pana Sankranti

Pana distribution Program in Bhubaneswar: ଭୁବନେଶ୍ବର: ଆଜି ହେଉଛି ମହାବିଷୁବ ସଂକ୍ରାନ୍ତି । ଓଡ଼ିଆ ନବ ବର୍ଷ ଭାବରେ ପରିଚିତ ଥିବା ଏହି ଦିନକୁ ଆଜି ଉତ୍ସାହର ସହିତ ପାଳନ କରିଛନ୍ତି ଓଡ଼ିଶାବାସୀ । ଏହି ଅବସରରେ ଆଜି ଜନମଙ୍ଗଳ ସଂସ୍ଥା ପକ୍ଷରୁ ଲୋୟର ପିଏମଜିରେ ପଣା ଉତ୍ସବ ପାଳନ କରାଯାଇଛି ।  

ଏହି ଉତ୍ସବରେ ଜନମଙ୍ଗଳ ସଂସ୍ଥା ପକ୍ଷରୁ ଲୋୟର ପିଏମଜିରେ ପଣା ବଣ୍ଟନ କରାଯାଇଥିଲା । ସେଠାରେ ସବୁ ବର୍ଗର ଲୋକ ପଣା ପିଇ ତାଙ୍କ ତୃଷ୍ଣା ମେଣ୍ଟାଉଥିବା ଦେଖିବାକୁ ମିଳିଛି । ତେବେ ଏହି ଜନମଙ୍ଗଳ ସଂସ୍ଥା ଖରାଦିନ ଶେଷ ହେବା ପର୍ଯ୍ୟନ୍ତ ଲୋକଙ୍କୁ ପାନୀୟ ଜଳ ଯୋଗାଣ କରିବ ବୋଲି ଆୟୋଜକ କହିଛନ୍ତି । ପଣା ପିଇବା ପାଇଁ ସେଠାରେ ଲୋକଙ୍କ ଭିଡ଼ ଦେଖିବାକୁ ମିଳିଛି । ଅନ୍ୟପଟେ ଆଜି ମହାବୀର ହନୁମାନଙ୍କ ଜୟନ୍ତୀ ଥିବାରୁ ରାଜଧାନୀ ବିଭିନ୍ନ ମନ୍ଦିରଗୁଡିକରେ ଭିଡ ଲାଗିଛି । ଭୁବନେଶ୍ୱରର ୧୦୮ ହନୁମାନ ମନ୍ଦିରରେ ଭକ୍ତଙ୍କ ଭିଡ ଦେଖିବାକୁ ମିଳିଛି ।   

ଇଟିଭି ଭାରତ, ଭୁବନେଶ୍ବର