ଭୋଳାବାବାଙ୍କ ଶରଣରେ ରାଜ୍ୟପାଳ ରଘୁବର ଦାସ - RAGHUBAR DAS IN DEOGHAR

ରାଞ୍ଚି: ପୁଅ ପାଇଁ ଚର୍ଚ୍ଚାରେ ଥିବା ରାଜ୍ୟପାଳ ରଘୁବର ଦାସ ଭଗବାନଙ୍କ ଶରଣରେ ପଶିଛନ୍ତି । ଝାଡ଼ଖଣ୍ଡର ଦେବଘର ସ୍ଥିତ ବାବା ବୈଦନାଥ ଧାମରେ ପୂଜାର୍ଚ୍ଚନା କରିଛନ୍ତି ରାଜ୍ୟପାଳ ରଘୁବର ଦାସ । ବାବା ଭୋଳା ଶଙ୍କରଙ୍କ ପୂଜାର୍ଚ୍ଚନା କରିବା ସହ ରାଜ୍ୟବାସୀଙ୍କ ଉନ୍ନତି କାମନା କରିଛନ୍ତି । ଆଗକୁ ଶ୍ରାବଣ ମାସ ଆରମ୍ଭ ହେଉଥିବାରୁ ଦେବଘର ସ୍ଥିତ ବୈଦନାଥ ମନ୍ଦିରରେ ପହଞ୍ଚି ଭଗବାନ ଶିବଙ୍କ ପୂଜାର୍ଚ୍ଚନା କରିଥିଲେ ସେ । ଏଥିପାଇଁ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା । ଏହି ଅବସରରେ ସେ କହିଛନ୍ତି କି, ଭିଆଇପି ବ୍ୟବସ୍ଥା କାରଣରୁ ମନ୍ଦିରରେ ଶ୍ରଦ୍ଧାଳୁଙ୍କୁ ନାନା ଅସୁବିଧାର ସମ୍ମୁଖିନ ହେବାକୁ ପଡେ । ଏଥିପାଇଁ ସେ ଶ୍ରାବଣ ମାସ ଆରମ୍ଭ ପୂର୍ବରୁ ଭଗବାନଙ୍କ ଆଶିଷ ନେବାକୁ ଆସିଛନ୍ତି । 

ସୂଚନା ଥାଉକି, ଏଏସଓଙ୍କୁ ମାଡ ମାରିବା ଘଟଣାରେ ରାଜ୍ୟପାଳଙ୍କ ପୁଅ ଲଳିତ କୁମାର ବିବାଦରେ ଅଛନ୍ତି । ଏଥିପାଇଁ ରାଜନୀତି ମଧ୍ୟ ସରଗରମ ରହିଛି । ଲଳିତ କୁମାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ବିଭିନ୍ନ ମହଲରେ ଜୋରଦାର ଦାବି ହେଉଛି । ଏହାରି ମଧ୍ୟରେ ରାଜ୍ୟପାଳ ନିଜ ଗୃହରାଜ୍ୟ ଝାଡଖଣ୍ଡ ଗସ୍ତରେ ଯାଇ ଭଗବାନଙ୍କ ପୂଜାର୍ଚ୍ଚନା କରିଛନ୍ତି ।

ଏହା ମଧ୍ୟ ପଢନ୍ତୁ: ASOଙ୍କୁ ମାଡ ଘଟଣା: ରାଜ୍ୟପାଳଙ୍କ ପୁଅ ବିରୋଧରେ କାର୍ଯ୍ୟାନୁଷ୍ଠାନ କେବେ ? ରାଷ୍ଟ୍ରପତିଙ୍କୁ ନ୍ୟାୟ ମାଗିଲା ପୂର୍ବତନ ସେନା କର୍ମଚାରୀ ସଙ୍ଘ