ନୂଆବର୍ଷରେ ଝୁମିଲା ସିଲଭରସିଟି, ନାଚ-ଗୀତରେ 2025କୁ ସ୍ବାଗତ

କଟକ: ବଦଳିଲା ପୁରୁଣା କ୍ୟାଲେଣ୍ଡରର ଫର୍ଦ୍ଦ । ୨୦୨୪କୁ ବିଦାୟ ଦେଇ ନୂତନ ବର୍ଷକୁ ସ୍ୱାଗତ କରିଛନ୍ତି ସଭିଏଁ । ଖୁବ ଧୁମଧାମରେ ପୁରୁଣା ବର୍ଷକୁ ବିଦାୟ ଦେଇ ନୂଆବର୍ଷକୁ ସ୍ୱାଗତ କରାଯାଇ ପାଳନ ହୋଇଛି ଜିରୋ ନାଇଟ୍ । କଟକ ସହରର ସମସ୍ତ କ୍ଲବ ଆଉ ସାହିରେ ମ୍ୟୁଜିକ ଲଗାଇ ନାଚଗୀତରେ ମସଗୁଲ ହୋଇ ନୂଆବର୍ଷକୁ ସ୍ୱାଗତ କରିଛନ୍ତି କଟକବାସୀ । କିଏ ଭଳିକି ଭଳି ଖାଦ୍ୟ ଖାଇ ସେଲିବ୍ରେସନ କରିଛି ତ ଆଉ କିଏ ଡିଜେ ମ୍ୟୁଜିକର ତାଳେ ତାଳେ ନୃତ୍ୟ ପରିବେଷଣ କରି ନୂଆବର୍ଷକୁ ସ୍ୱାଗତ କରିଛନ୍ତି ।

ଏହା ବି ପଢନ୍ତୁ...ଜିରୋ ନାଇଟରେ ଝୁମିବ କଟକ, ବଲିଉଡ କଣ୍ଠଶିଳ୍ପୀଙ୍କ ଗୀତରେ ମତୁଆଲା ହେବେ ଦର୍ଶକ

କଟକ ୟୁନିଅନ କ୍ଲବରେ ମଧ୍ୟ ଖୁବ ଧୁମଧାମରେ ନୂଆବର୍ଷକୁ ସ୍ୱାଗତ କରାଯାଇଛି । ବଲିଉଡ ସିଙ୍ଗର ଏବଂ ବିଦେଶୀ ଡ୍ୟାନ୍ସରଙ୍କୁ ଆଣି ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ସବୁ ବର୍ଗର ଲୋକ ଏହି ରଙ୍ଗାରଙ୍ଗ କାର୍ଯ୍ୟକ୍ରମରେ ଯୋଗଦେଇ ନୂଆବର୍ଷକୁ ସ୍ୱାଗତ କରିଛନ୍ତି ।

ଇଟିଭି ଭାରତ, କଟକ