ଭୋଟ ଦେଲେ ରାଜପରିବାର, ମତ ସାବ୍ୟସ୍ତ କଲେ ବଲାଙ୍ଗୀରର ବିଭିନ୍ନ ନେତା - Balangir Mp MLA Candidate Cast Vote

ବଲାଙ୍ଗୀର: ଆଜି ରାଜ୍ୟରେ ଦ୍ୱିତୀୟ ପର୍ଯ୍ୟାୟ ମତଦାନ ଜାରି ରହିଛି । ଏହି ପରିପ୍ରେକ୍ଷୀରେ ବଲାଙ୍ଗୀରରେ ଭୋଟ ଦେଇ ନେତା ବାଛୁଛନ୍ତି ଭୋଟର । ସେହିପରି ଜିଲ୍ଲାର ବିଭିନ୍ନ ଦଳର ପ୍ରାର୍ଥୀ ମାନେ ମଧ୍ୟ ଆଜି ନିଜ ନିଜ ବୁଥକୁ ଯାଇ ନିଜ ମତଦାନ ସାବ୍ୟସ୍ଥ କରିଛନ୍ତି ଏବଂ ଲୋକଙ୍କୁ ନିଜ ବହୁମୂଲ୍ୟ ଭୋଟ ଆସି ଦେବାକୁ ଅପିଲ କରିଛନ୍ତି । ବିଜେଡ଼ି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂହ ଦେଓ ତାଙ୍କ ପରିବାର ସହ ନିଜ ବୁଥକୁ ଯାଇ ମତଦାନ କରିଛନ୍ତି । ତାଙ୍କ ବାପା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂହ ଦେଓ, ତାଙ୍କ ମାତା ବିଜୟଲକ୍ଷ୍ମୀ କୁମାରୀ ଦେବୀ ତାଙ୍କ ଛୋଟ ଭାଇ ମନ୍ମଥ କୁମାର ସିଂହ ଦେଓ ପ୍ରମୁଖ ମତଦାନ କରିଛନ୍ତି । ଏହି ସମୟରେ ସେ ଗଣମାଧ୍ୟମ ସହ କଥାବାର୍ତ୍ତା କରି ଆଜିର ଦିନ ଆମ ଗଣତନ୍ତ୍ର ରାଷ୍ଟ୍ର ପାଇଁ ଏକ ଗର୍ବର ଦିନ ଅଟେ ଯେଉଁଠି ଲୋକ ନିଜ ନେତା ବାଛି ସରକାର ଗଢି ଥାଆନ୍ତି। ତେଣୁ ଲୋକ ଘରୁ ବାହାରି ନିଜର ମତଦାନ କରନ୍ତୁ ବୋଲି ସେ ଅପିଲ କରିଛନ୍ତି ଏବଂ ଯେଉଁ ପ୍ରାର୍ଥୀ ଶାନ୍ତି ମୈତ୍ରୀ ପ୍ରତିଷ୍ଠା ଓ ବିକାଶ କରିପାରିବ ତାଙ୍କୁ ବାଛନ୍ତୁ ବୋଲି ସେ କହିଛନ୍ତି । ସେହିପରି ବଲାଙ୍ଗୀର ବିଧାୟକ ନରସିଂହ ମିଶ୍ର ଓ ତାଙ୍କ ପୁଅ ତଥା କଂଗ୍ରେସ ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ମଧ୍ୟ ତାଙ୍କ ବୁଥକୁ ଯାଇ ମତଦାନ କରିଛନ୍ତି ଏବଂ ଉଚିତ ପ୍ରାର୍ଥୀ ବାଛିବା ପାଇଁ ସବୁ ଲୋକ ତାଙ୍କର ବହୁମୂଲ୍ୟ ଭୋଟ ଦିଅନ୍ତୁ ବୋଲି ସେ ଅପିଲ କରିଛନ୍ତି । ସେହିପରି ବିଜେପି ପ୍ରାର୍ଥୀ ଗୋପାଲଜି ପାଣିଗ୍ରାହୀ ମଧ୍ୟ ନିଜ ବୁଥରେ ଯାଇ ଆଜି ତାଙ୍କ ମତଦାନ କରିଛନ୍ତି ଏବଂ ଲୋକଙ୍କୁ ବାହାରକୁ ଆସି ବହୁ ମାତ୍ରାରେ ନିଜ ମତଦାନ କରିବାକୁ ସେ ଅପିଲ କରିଛନ୍ତି । 

ଏହା ମଧ୍ୟ ପଢନ୍ତୁ: ବଲାଙ୍ଗୀରରେ ମତଦାନ ଜାରି, ନେତା ବାଛୁଛନ୍ତି ଜନତା

ଇଟିଭି ଭାରତ, ବଲାଙ୍ଗୀର