ତୃତୀୟ ପର୍ଯ୍ୟାୟ ମତଦାନ; ପରିବାର ସହ ଭୋଟ ଦେଲେ ବିଜେଡ଼ି-ବିଜେପି ପ୍ରାର୍ଥୀ - Mp and MLA Cast Vote In Cuttack

କଟକ: ଆଜି ଦେଶର ଷଷ୍ଠ ପର୍ଯ୍ୟାୟ ସହ ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହୋଉଛି l ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ ଜାରି ରହିଛି । ସିଲିଭର ସିଟି କଟକରେ ସକାଳୁ ସକାଳୁ ଜାରି ରହିଛି ମତଦାନ ପ୍ରକ୍ରିୟା । ଏଥିପାଇଁ ମୋଟ ୨୨୭୪ଟି ବୁଥ ସ୍ଥାପନ କରାଯାଇଛି l ଜିଲ୍ଲାରେ ୨ ଲକ୍ଷ ୨୮ ହଜାର ୫୬୪ ଭୋଟର ଆଜି ସେମାନଙ୍କର ମତ ସାବ୍ୟସ୍ତ କରିବେ । ଏପରି ସମୟରେ ବର୍ତ୍ତମାନ ନିତ ମତ ସାବ୍ୟସ୍ତ କରିଛନ୍ତି କଟକର ବିଜେଡ଼ି ଓ ବିଜେପି ପ୍ରାର୍ଥୀ । ନିଜ ନିଜ ପରିବାର ସହ ଭୋଟ ଦେଇଛନ୍ତି ଚୌଦ୍ୱାର ବିଜେଡି ବିଧାୟକ ପ୍ରାର୍ଥୀ ସୌଭିକ ବିଶ୍ୱାଳ ଓ ବିଜେପି ପ୍ରାର୍ଥୀ ନୟନ କିଶୋର ମହାନ୍ତି । ଭୋଟ ଦେବା ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ସମସ୍ତ ଲୋକଙ୍କୁ ଭୋଟ ଦେବା ପାଇଁ ନିବେଦନ କରିଛନ୍ତି । ସେହିପରି ବିଜେପି ସାଂସଦ ପ୍ରାର୍ଥୀ ଭର୍ତ୍ତୃହରି ମହତାବ ମଧ୍ୟ କଟକ ଏକ ମତଦାନ କେନ୍ଦ୍ରରେ ନିଜ ପରିବାର ସହ ମତଦାନ କରିଛନ୍ତି । ଅନ୍ୟପଟେ ବାରବାଟୀ ବିଜେଡି ବିଧାୟକ ପ୍ରାର୍ଥୀ ପ୍ରକାଶ ବେହେରା ମଦ୍ୟ ଭୋଟ ଦେଇଛନ୍ତି ଏବଂ ସମସ୍ତଙ୍କୁ ଏହି ଗଣତନ୍ତ୍ରର ମହାନ ପର୍ବରେ ସାମିଲ ହେବାକୁ ଅନୁରୋଧ କରିଛନ୍ତି । 

ଏହା ମଧ୍ୟ ପଢନ୍ତୁ: କଟକରରେ 24 ନମ୍ବର ବୁଥରେ EVM ତ୍ରୁଟି, ମତଦାନ ସାମୟିକ ବାଧାପ୍ରାପ୍ତ
ଇଟିଭି ଭାରତ, କଟକ