ମତ ସାବ୍ୟସ୍ତ କଲେ ଅତନୁ ସବ୍ୟସାଚୀ ନାୟକ, ସମସ୍ତଙ୍କୁ ଭୋଟ ଦେବାକୁ କଲେ ଅପିଲ୍‌ - Atanu Sabyasachi Nayak Cast Vote

କେନ୍ଦ୍ରାପଡା: ଆଜି ଦେଶରେ ଓ ରାଜ୍ୟରେ ଅନ୍ତିମ ପର୍ଯ୍ୟାୟ ମତଦାନ ଜାରି ରହିଛି । ଏହି ପରିପ୍ରେକ୍ଷୀରେ କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀର ୭ଟି ବିଧାନସଭା ଆସନରେ ମତଦାନ ହେଉଛି । ପାଟକୁରା, କେନ୍ଦ୍ରାପଡା, ଆଳି, ରାଜନଗର ଏବଂ ମହାକାଳପଡ଼ା ନିର୍ବାଚନ ମଣ୍ଡଳୀ ପାଇଁ ବିଭିନ୍ନ ରାଜନୈତିକ ଦଳର ୫୦ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର । ତେବେ ଏହି ସମୟରେ ଜିଲ୍ଲା ମହାକାଳପଡ଼ା ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ମନ୍ତ୍ରୀ ଅତନୁ ସବ୍ଯସାଚ୍ଚୀ ନାୟକ ଆଜି ସକାଳୁ ସକାଳୁ ନିଜ ଗାଁରେ ଭୋଟ ଦେଇଛନ୍ତି । ପାଟକୁରା ନିର୍ବାଚନ ମଣ୍ଡଳୀ ଗରଦପୁର ବ୍ଲକ ସାନ ଅଢଙ୍ଗା ଗାଁର ୨୩୦ ନମ୍ବର ବୁଥରେ ସେ ମତଦାନ କରିଛନ୍ତି । ଏହି ସମୟରେ ସେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ''ସମସ୍ତଙ୍କର ମତଦାନ ଅଧିକାର ରହିଛି ।’’ ସଚେତନ ନାଗରିକ ଭାବେ ଶାନ୍ତି ଶୃଙ୍ଖଳା ରକ୍ଷା କରି ସମସ୍ତେ ଆସି ନିଜ ନିଜର ମତ ଦେବାକୁ ସେ ଆହ୍ବାନ କରିଛନ୍ତି ।

ଏହା ମଧ୍ୟ ପଢନ୍ତୁ: ଭୋଟ ଦେଉଛି ଉପକୂଳ: କେନ୍ଦ୍ରାପଡାର ବିଭିନ୍ନ ସ୍ଥାନରେ ଭୋଟିଂ ଜାରି

ଇଟିଭି ଭାରତ, କେନ୍ଦ୍ରାପଡା