ଆମର କାମକୁ ଲୋକେ ଭୋଟରେ ପ୍ରତିଫଳନ କରିବେ: ବିଜେଡି ପ୍ରାର୍ଥୀ ଚନ୍ଦ୍ର ସାରଥୀ - Odisha Assembly election 2024

Cuttack Sadar Assembly constituency: କଟକ: କଟକ ସଦର ବିଧାନସଭା ଆସନରୁ ପ୍ରାର୍ଥୀ ହୋଇଛନ୍ତି ଚନ୍ଦ୍ର ସାରଥୀ ବେହେରା । ପୁଣିଥରେ ତାଙ୍କ ଉପରେ ଭରସା କରି ଏହି ଆସନରୁ ତାଙ୍କୁ ପ୍ରାର୍ଥୀ କରିଛି ଦଳ । ଏଥି ପାଇଁ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଭିକେ ପାଣ୍ଡିଆନଙ୍କୁ ଧନ୍ୟବାଦ ଜଣାଇଛନ୍ତି । ପ୍ରାର୍ଥୀ ହେବା ପରେ ପରେ ପ୍ରତିକ୍ରିୟାରେ ଚନ୍ଦ୍ର ସାରଥୀ ବେହେରା କହିଛନ୍ତି, ଆମେ ଲୋକଙ୍କ ପାଇଁ କାମ କରଛୁ, କରିବୁ । ମୋର ଦୃଢ ବିଶ୍ବାସ ଲୋକ ମାନେ ତାଙ୍କୁ ଭୋଟରେ ପ୍ରତିଫଳିତ କରିବେ । ଆମକୁ ଛାଡିଲେ ଆମର ସମସ୍ତେ ବିରୋଧି । ଆମେ ଆମ ନିର୍ବାଚନୀ ରଣ କୌଶଳରେ ଚାଲିବୁ । କଟକ ସଦରର ବିକାଶ ଯେଉଁ ଭଳି ଭାବେ ଚାଲିଛି , ଆହୁରି କାମ ବି ବାକି ରହିଛି । ସେଗୁଡିକୁ ଆମେ ସମ୍ପୂର୍ଣ୍ଣ କରିବୁ । ଏଥି ପାଇଁ ମୁଖ୍ୟମନ୍ତ୍ରୀଙ୍କ ସହଯୋଗର ଆବଶ୍ୟକତା ରହିଛି । ରାଜ୍ୟ ସରକାରଙ୍କ ସଫଳତାକୁ ନେଇ ଆମେ ଲୋକଙ୍କ ପାଖକୁ ଯିବୁ ।'' 2019 ନିର୍ବାଚନରେ କଟକ ସଦର ବିଧାନସଭା ଆସନରେ ଚନ୍ଦ୍ର ସାରଥୀ ବେହେରା ବିଜୟୀ ହୋଇଥିଲେ । ତାଙ୍କୁ 86 ହଜାର 254 ଭୋଟ ମିଳିଥିଲା ।  

ଇଟିଭି ଭାରତ, କଟକ