କଣ୍ଟାମାଳରେ ପାଣ୍ଡିଆନଙ୍କ ପ୍ରଚାର ପରେ ଉତ୍ସାହିତ ବିଜେଡି କର୍ମୀ - Odisha Assembly election 2024

ODISHA ASSEMBLY ELECTION 2024: ବୌଦ୍ଧ: ରବିବାର ବୌଦ୍ଧ ଜିଲ୍ଲା ଗସ୍ତରେ ଆସି ପ୍ରାର୍ଥୀଙ୍କ ପାଇଁ ପ୍ରଚାର କରିଥିଲେ ବିଜେଡି ନେତା ଭିକେ ପାଣ୍ଡିଆନ । ବୌଦ୍ଧ ନିର୍ବାଚନ ମଣ୍ଡଳୀ ଓ କଣ୍ଟାମାଳ ନିର୍ବାଚନ ମଣ୍ଡଳୀରେ ପ୍ରଚାର କରି କର୍ମୀଙ୍କ ମନୋବଳ ବଢାଇଥିଲେ ପାଣ୍ଡିଆନ । ବୌଦ୍ଧ ପରେ ପାଣ୍ଡିଆନ ପୁରୁଣା କଟକ ଓ କଣ୍ଟାମାଳରେ ପ୍ରଚାର କରିଥିଲେ । କଣ୍ଟାମାଳ ବିଧାନସଭା ଆସନ ପାଇଁ  ମହୀଧର ରଣାଙ୍କୁ ତୃତୀୟ ଥର ପ୍ରାର୍ଥୀ କରିଛି ଦଳ । ଚଳିତ ନିର୍ବାଚନରେ ତାଙ୍କର ବିଜୟ ହେବା ନେଇ କର୍ମୀ ଆଶାବାଦୀ ।  ମେ' 20 ତାରିଖରେ ବୌଦ୍ଧ ଜିଲ୍ଲାରେ ନିର୍ବାଚନ ଅନୁଷ୍ଠିତ ହେବ । ଏହାକୁ ଦୃଷ୍ଟିରେ ରଖି ରବିବାର ଦୁଇ ବିଧାନସଭା ନିର୍ବାଚନ ମଣ୍ଡଳୀରେ   ହାଇଭୋଲ୍ଟେଜ ପ୍ରଚାର କରିଥିଲା ବିଜେଡି । ଜିଲ୍ଲା ପୁରୁଣା କଟକ ହାଇସ୍କୁଲ ପଡ଼ିଆ ଠାରେ ଆୟୋଜିତ ବିଜେଡିର ଦଳୀୟ କାର୍ଯ୍ୟକ୍ରମରେ ଯୋଗ ଦେଇଥିଲେ ଭିକେ ପାଣ୍ଡିଆନ । ବୌଦ୍ଧ ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ପ୍ରଦୀପ କୁମାର ଅମାତ, କଣ୍ଟାମାଣ ବିଧାୟକ ପ୍ରାର୍ଥୀ ମହୀଧର ରଣା ଓ  କନ୍ଧମାଳ ସାଂସଦ ପ୍ରାର୍ଥୀ ଅଚ୍ୟୁତାନନ୍ଦ ସାମନ୍ତଙ୍କ ପାଇଁ ଭୋଟ ଭିକ୍ଷା କରିଥିଲେ ପାଣ୍ଡିଆନ ।

ଇଟିଭି ଭାରତ, ବୌଦ୍ଧ