ଅଭିନେତା ମନୋଜ ମିଶ୍ରଙ୍କ ନାଁରେ ସାଇବର ଥାନାରେ ଏତଲା

କଟକ: ପୁଣି ଅଡୁଆରେ ଅଭିନେତା ମନୋଜ ମିଶ୍ର । ମନୋଜଙ୍କ ନାଁରେ କଟକ ସାଇବର ଥାନାରେ ଏତଲା ଦେଇଛି ଓଡିଶା ଫିଲ୍ମ ଆଣ୍ଡ ଟେଲିଭିଜନ ଡାଇରେକ୍ଟର ଆସୋସିଏସନ । "ମନୋଜ ମିଶ୍ର ଓଡ଼ିଆ ସିନେ ଜଗତ ସହିତ ଜଡିତ ଥିବା କଳାକାର ଓ ନିର୍ଦ୍ଦେଶକମାନଙ୍କ ଚରିତ୍ର ସଂହାର କରୁଛନ୍ତି" ବୋଲି ଡାଇରେକ୍ଟର ଆସୋସିଏସନ ପକ୍ଷରୁ ଏତଲାରେ ଉଲ୍ଲେଖ କରାଯାଇଛି । ବିଭିନ୍ନ ସମୟରେ ସାମାଜିକ ଗଣମାଧ୍ୟମରେ ଅପମାନିତ କରିବା ଭଳି କଥା କହି ସମ୍ମାନ ହାନୀ କରୁଥିବା ନେଇ ଏତଲାରେ ଉଲ୍ଲେଖ କରିଛନ୍ତି ଓଡିଶା ଫିଲ୍ମ ଅଣ୍ଡ ଟେଲିଭିଜନ ଡ଼ାଇରେକ୍ଟର ଆସୋସିଏସନ । ମନୋଜଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି କରିଛି ଆସୋସିଏସନ । ୟୁଟ୍ୟୁବ ଓ ଫେସବୁକରେ ମନୋଜ ମିଶ୍ରଙ୍କ ବୟାନକୁ ନେଇ ଆସୋସିଏସନ ପକ୍ଷରୁ ଏତଲା ଦିଆଯାଇଛି । କଟକ ସାଇବର ଥାନାରେ ନିର୍ଦ୍ଦେଶକ ବସନ୍ତ ନାୟକ, ବବି ଇସଲାମ, ସବ୍ୟସାଚୀ ମହାପାତ୍ର, ସୁଧାଂଶୁ ମୋହନ ସାହୁ, ଦେବୁ ପଟ୍ଟନାୟକ, ହରିସ ମହାନ୍ତି, ଜ୍ୟୋତି ଦାସ, ତିରୁପତି ସାହୁଙ୍କ ସମେତ ଅନ୍ୟ ନିର୍ଦ୍ଦେଶକମାନେ ଉପସ୍ଥିତ ରହି ଏହି ଏତଲା ଦୟାର କରିଛନ୍ତି ।
 

ଏହା ମଧ୍ୟ ପଢ଼ନ୍ତୁ...ଦ୍ୱିତୀୟ ବିବାହ ନେଇ ମନୋଜ ମିଶ୍ରଙ୍କ ନାଁରେ ଅଶାଳୀନ ଟିପ୍ପଣୀ, ସାଇବର ଥାନାକୁ ଗଲା ମାମଲା - Manoj Mishra Files FIR ଏହା ମଧ୍ୟ ପଢ଼ନ୍ତୁ...ଝିଅ ପାଇଁ ଭାବୁକ ହେଲେ ମନୋଜ ମିଶ୍ର, ଲେଖିଲେ ଇମୋସନାଲ୍ ନୋଟ୍ - Manoj Mishra Post For Daughter

ଇଟିଭି ଭାରତ, ଭୁବନେଶ୍ବର