ବିଧାୟକଙ୍କ ଅଚାନକ ଶ୍ରୀଅନ୍ନ କେନ୍ଦ୍ର ପରିଦର୍ଶନ, ଯାଞ୍ଚ କଲେ ଖାଦ୍ୟର ଗୁଣବତ୍ତା - mla visits shriarna kendra

MLA VISITS SHRIARNA KENDRA: ନବରଙ୍ଗପୁର: ପୂର୍ବ ସରକାରଙ୍କ ଆହାର କେନ୍ଦ୍ର ତଥା ବର୍ତ୍ତମାନର ଶ୍ରୀଅନ୍ନ କେନ୍ଦ୍ରକୁ ଅଚାନକ ପରିଦର୍ଶନ କରିବା ସହ ଆହାର କେନ୍ଦ୍ରରେ ଖାଦ୍ୟ ଗ୍ରହଣ କଲେ ବିଧାୟକ । ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ ହଠାତ୍ ନବରଙ୍ଗପୁର ମୁଖ୍ୟ ଚିକିତ୍ସାଳୟ ନିକଟରେ ଥିବା ଆହାର କେନ୍ଦ୍ର ବା ଶ୍ରୀଅନ୍ନ କେନ୍ଦ୍ରକୁ ହଠାତ୍ ପରିଦର୍ଶନ କରିଛନ୍ତି । ସେଠାରେ ପରିପାର୍ଶିକ ସ୍ଥିତି ଖାଦ୍ୟ ଗୁଣବତ୍ତା ଯାଞ୍ଚ କରିବା ସହ ରୋଷେଇ ଶାଳର ପରିଷ୍କାର ପରିଛନ୍ନତା ବୁଲି ଦେଖିଥିଲେ । କେନ୍ଦ୍ରର ସମସ୍ତ ବ୍ୟବସ୍ଥା ନେଇ ଖୁସି ବ୍ୟକ୍ତ କରିବା ସହ ନିଜେ ମଧ୍ୟ ସେଠାରେ ଖାଦ୍ୟ ଗ୍ରହଣ କରିଥିଲେ । ଏହାପରେ ଶ୍ରୀଅନ୍ନ କେନ୍ଦ୍ରର ପାର୍ଶ୍ୱରେ ଥିବା ଜିଲ୍ଲା ମୁଖ୍ୟଚିକିତ୍ସାଳୟ ପରିଦର୍ଶନରେ ଯାଇ ସେଠାରେ ନୂତନ ଭାବେ କାର୍ଯ୍ୟକ୍ଷମ ହୋଇଥିବା ସିଟି ସ୍କାନ କେନ୍ଦ୍ରକୁ ଯାଇ କାର୍ଯ୍ୟରତ ଟେକ୍ନିସିଆନମାନଙ୍କ ସହିତ ଆଲୋଚନା କରିଥିଲେ ।

ଇଟିଭି ଭାରତ, ନବରଙ୍ଗପୁର