ପରିବେଶ ସୁରକ୍ଷା ବାର୍ତ୍ତା ନେଇ ସାଇକେଲରେ ମିଜୋରାମ ଯୁବକଙ୍କ ଭାରତ ଭ୍ରମଣ

Awareness Of  Environmental Protection ବୌଦ୍ଧ: ପରିବେଶ ପ୍ରଦୂଷଣ, ସୁରକ୍ଷା ତଥା ସଚେତନତା ଲକ୍ଷ୍ୟରେ ସାଇକେଲରେ ସାରା ଭାରତ ଭ୍ରମଣ କରୁଛନ୍ତି ମିଜୋରାମର ଯୁବକ ଭି. ଭାରତେ । ମିଜୋରାମ ପଲ୍ୟୁସନ ବୋର୍ଡର ସହାୟତାରେ ଯୁବକ ଜଣକ ଅଦ୍ୟାବଧି 7 ଗୋଟି ରାଜ୍ୟ ସାଇକେଲ ଯୋଗେ ଅତିକ୍ରମ କରିଥିବା ବେଳେ ବର୍ତ୍ତମାନ ସେ ଓଡ଼ିଶାର ବିଭିନ୍ନ ଜିଲ୍ଲା ଦେଇ ଯାତ୍ରା କରୁଥିବା ବେଳେ ଆଜି ବୌଦ୍ଧ ଜିଲ୍ଲା ଦେଇ ସେ ଯାତ୍ରା କରୁଛନ୍ତି । ଏହି ଅବସରରେ ଭାରତେଙ୍କୁ ବୌଦ୍ଧରେ ବିଭିନ୍ନ ସଂଗଠନର କର୍ମକର୍ତ୍ତାମାନେ ବିପୁଳ ସମ୍ବର୍ଦ୍ଧନା ଜ୍ଞାପନ କରିଛନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଭାରତେ ସାଇକଲ ଯୋଗେ ମାତ୍ର ପାଞ୍ଚ ମାସ ମଧ୍ୟରେ ୧୬୩୦୦ କିଲୋମିଟର ପଥ ଅତିକ୍ରମର ଲକ୍ଷ୍ୟଧାର୍ଯ୍ୟ ରଖିଥିବା ବେଳେ ଗତ ପ୍ରାୟ ଦେଢ଼ ମାସ ମଧ୍ୟରେ ସେ ସାଇକେଲ ଯୋଗେ ସାତଟି ରାଜ୍ୟ ଅତିକ୍ରମ କରିବାରେ ସଫଳତା ପାଇଛନ୍ତି । ପ୍ରଦୂଷଣ ମୁକ୍ତ ସମାଜ ଗଠନର ବାର୍ତ୍ତା ପ୍ରଚାର ସହିତ ସାଇକେଲ ଚଳାଇ ସୁସ୍ଥ ରହିବାକୁ ଭାରତେ ଆହ୍ବାନ ଦେଇଛନ୍ତି  ।

ଇଟିଭି ଭାରତ, ବୌଦ୍ଧ