ହୁତୁହୁତୁ ହୋଇ ଜଳିଲା ବେକେରୀ ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ - FIRE BREAK OUT IN bakery shop

FIRE BREAK OUT IN BAKERY SHOP: ନୂଆପଡ଼ା: ସିନାପାଲିରେ ଭୟାବହ ଅଗ୍ନିକାଣ୍ଡ । ବେକେରୀ ଦୋକାନ ଲାଗିଲା ନିଆଁ । 15 ଲକ୍ଷ ଟଙ୍କାରୁ ଊର୍ଦ୍ଧ୍ବ ସାମଗ୍ରୀ ନିଆଁରେ ଜଳି ପୋଡି ପାଉଁଶ ହୋଇଯାଇଛି । ସିନାପାଲି ବାସିନ୍ଦା ଚନ୍ଦ୍ରଶେଖର ମେହେରଙ୍କ ବେକେରୀ ଦୋକାନ ଅଗ୍ନିକାଣ୍ଡ । ଦୋକାନରେ ଥିବା ବିଭିନ୍ନ ପ୍ରକାର ଖାଦ୍ୟ ସାମଗ୍ରୀ ଜଳି ନଷ୍ଟ ହେବା ସହ ଲକ୍ଷାଧିକ ମୂଲ୍ୟର ଫ୍ରିଜର କୋଲ୍ଡ ଷ୍ଟେରେଜ ଜଳି ପୋଡ଼ି ପାଉଁଶ ହୋଇଯାଇଛି । ଆଜି ଅପରାହ୍ନ 12 ଘଣ୍ଟା ସମୟରେ ଦୋକାନରେ ଲାଗିଥିବା ଏସିରେ ହଠାତ ନିଆଁ ଲାଗି ହୁତୁହୁତୁ ହୋଇ ଜଳିବାକୁ ଲାଗିଥିଲା । କେହି କିଛି ବୁଝିବା ପୂର୍ବରୁ ଆଖି ପିଛୁଳାକେ ନିଆଁ ଦୋକାନ ସାରା ବ୍ୟାପି ଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । 

 
ଇଟିଭି ଭାରତ, ନୂଆପଡ଼ା