କମ୍ୱିଂ ଅପରେସନରେ ସିଆରପିଏଫ ଏସଓଜିଙ୍କୁ ସଫଳତା; ମାଓ କ୍ୟାମ୍ପ ଠାବ, ଅନେକ ସାମଗ୍ରୀ ଜବତ - Nuapada Mao Camp

Mao Camp Seized:  ନୂଆପଡା: ଜିଲ୍ଲାରେ ମାଓକ୍ୟାମ୍ପ ଠାବ । ନୂଆପଡାର ବୋଡେନ ଥାନା କାଟଫାର ଜଙ୍ଗଲରେ ମାଓକ୍ୟାମ୍ପ ଠାବ ସହ ଅନେକ ମାଓ ସାମଗ୍ରୀ ଜବତ ହୋଇଛି । ଭଇସାଦାନୀ ପଞ୍ଚାୟତ ପାଟଦର୍ହା ସଂରକ୍ଷିତ ଜଙ୍ଗଲରେ ସିଆରପିଏଫ ଏସଓଜି ସୁରକ୍ଷାକର୍ମୀଙ୍କ ଦ୍ୱାରା କମ୍ବିଙ୍ଗ ଅପରେସନ ଚାଲିଥିବା ବେଳେ ଏହି ମାଓ କ୍ୟାମ୍ପକୁ ଠାବ କରାଯାଇଛି ଏଥିସହ ଅନେକ ମାଓ ସାମଗ୍ରୀ ଜବତ କରାଯାଇଛି ।

ନିର୍ବାଚନ ପାଖେଇ ଆସୁଥିବା ବେଳେ ସୁରକ୍ଷାକର୍ମୀଙ୍କ ଦ୍ୱାରା ଯାଞ୍ଚ ଜୋରଦାର କରାଯାଇଛି । ଏହି ଅଞ୍ଚଳରେ ନିର୍ବାଚନକୁ ଚେକମେଟ ଦେବାକୁ ମାଓବାଦୀ କରିଥିଲେ । ତେବେ ମାଓବାଦୀଙ୍କ ଏହି ଉଦ୍ୟମକୁ ପଣ୍ଡ କରିଛନ୍ତି ସିଆରପିଏଫ ଏସଓଜି । ଗତ ୨୦୧୯ ସାଧାରଣ ନିର୍ବାଚନରେ ମଧ୍ୟ ସେହି ଅଞ୍ଚଳରେ ଭୋଟରଙ୍କୁ ଭୋଟ ନଦେବାକୁ ଚେତାବନୀ ଦେଇଥିଲେ ମାଓବାଦୀ । ଏଥର ମଧ୍ୟ ସେଭଳି ଅନୁମାନ କରାଯାଉଥିବା ବେଳେ ସୁରକ୍ଷା ବ୍ୟବସ୍ଥାକୁ କଡାକଡି କରିବା ସହ ଆଗୁଆ ପ୍ରସ୍ତୁତି ଚଳାଇଛି ନୂଆପଡା ପୋଲିସ । ନୂଆପଡା ଏସପି ଗୁନ୍ଦାଲା ରାଘବେନ୍ଦ୍ର ରେଡ୍ଡୀ ଏନେଇ ସୂଚନା ଦେଇଛନ୍ତି ।
 

ଇଟିଭି ଭାରତ, ନୂଆପଡା