ରେଜଲ୍ଟ ପୂର୍ବରୁ ନିର୍ବାଚନ କମିଶନରଙ୍କ ପ୍ରେସମିଟ, ଦେଖନ୍ତୁ LIVE - Lok Sabha Result 2024

ନୂଆଦିଲ୍ଲୀ: ଆଉ କିଛି ଘଣ୍ଟା ପରେ ପ୍ରକାଶ ପାଇବାକୁ ଯାଉଛି ନିର୍ବାଚନ ରେଜଲ୍ଟ । ଏହା ପୂର୍ବରୁ ଗଣତି ପ୍ରକ୍ରିୟାକୁ ବ୍ୟବସ୍ଥିତ ଢଙ୍ଗରେ ଶେଷ କରିବା ପାଇଁ ନିର୍ବାଚନ କମିଶନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ଆସନ୍ତାକାଲି ସକାଳୁ ବିଭିନ୍ନ ଜିଲ୍ଲା ମୁଖ୍ୟାଳୟରେ ହୋଇଥିବା ଷ୍ଟ୍ରଙ୍ଗରୁମରେ ଗଣତି ଆରମ୍ଭ ହେବ । ସାଧାରଣ ନିର୍ବାଚନ ସହ 2ରାଜ୍ୟ, ଓଡିଶା ଓ ଆନ୍ଧ୍ର ପ୍ରଦେଶ ପାଇଁ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବ । ତେବେ ଏହି ମେଗା-ଇଭେଣ୍ଟ ପୂର୍ବରୁ ଭାରତୀୟ ନିର୍ବାଚନ କମିଶନ  ପ୍ରେସମିଟ କରିଛନ୍ତି  । ତେବେ ଏହା ପ୍ରଥମ ଥର ଗଣତି ପ୍ରକ୍ରିୟା ଶେଷ ହେବା ପୂର୍ବରୁ ନିର୍ବାଚନ କମିଶନ କୌଣସି ପ୍ରେସମିଟ୍‌ ଆୟୋଜନ କରିଛନ୍ତି । ନିର୍ବାଚନ, ମତଦାନ ସମ୍ପର୍କିତ ତଥ୍ୟ ଓ ଗଣତି ପ୍ରକ୍ରିୟା ପ୍ରସ୍ତୁତି ସମ୍ପର୍କିତ ତଥ୍ୟ ରଖିବା ସହ ଗଣମାଧ୍ୟମ ପ୍ରଶ୍ନର ଉତ୍ତର ରଖୁଛନ୍ତି ନିର୍ବାଚନ କମିଶନ । ମୁଖ୍ୟ ନିର୍ବାଚନ ଆୟୁକ୍ତ ରାଜୀବ କୁମାରଙ୍କ ସହ ଅନ୍ୟ ଦୁଇ ଆୟୁକ୍ତଙ୍କ ସମେତ ଅନ୍ୟ ବରିଷ୍ଠ ନିର୍ବାଚନ ଅଧିକାରୀ ମଧ୍ୟ ଏହି ଉଚ୍ଚସ୍ତରୀୟ ପ୍ରେସମିଟରେ ଅଂଶଗ୍ରହଣ କରିଛନ୍ତି ।ଇଟିଭି ଭାରତ, ନୂଆଦିଲ୍ଲୀ