ବାସୁଦେବପୁର ବିଧାନସଭାରେ ଶୃଙ୍ଖଳାର ସହ ମତଦାନ ଜାରି, କଣ କହୁଛନ୍ତି ଭୋଟର ? - Voting In Basudebpur

ଭଦ୍ରକ: ସକାଳ 7ଟାରୁ ଭଦ୍ରକରେ ଜାରି ରହିଛି ଭୋଟିଂ । ବାସୁଦେବପୁର ବିଧାନସଭା ନିର୍ବାଚନ ମଣ୍ଡଳୀର କେବଳ 57 ନମ୍ବର ବୁଥରେ ଇଭିଏମ ତ୍ରୁଟି ପରିଲକ୍ଷିତ ହୋଇଥିଲା। ଯାହାକି ଖୁବ୍ ଶୀଘ୍ର ସେକ୍ଟର ଅଫିସରଙ୍କ ଦ୍ଵାରା ସମାଧାନ କରାଯାଇଥିଲା। ତେବେ ବାସୁଦେବପୁର ବିଧାନସଭା ନିର୍ବାଚନ ମଣ୍ଡଳୀରେ ଚୂଡାନ୍ତ ତାଲିକା ଅନୁଯାୟୀ ମୋଟ 272129 ଜଣ ଭୋଟର ସେମାନଙ୍କ ମତଦାନ 267 ଟି ମତଦାନ କେନ୍ଦ୍ରରେ ସାବ୍ୟସ୍ତ କରୁଛନ୍ତି । ଏହି ମୋଟ ମତଦାତାଙ୍କ ମଧ୍ଯରେ 140997 ଜଣ ପୁରୁଷ ଏବଂ 131111 ଜଣ ମହିଳା ଥିବା ବଳେ 21 ଜଣ କିନ୍ନର ଭୋଟର ଅଛନ୍ତି । ଲମ୍ବା ଧାଡିରେ ଛିଡା ହୋଇ ଭୋଟରମାନେ ଭୋଟ ଦେଉଥିବାର ଦୃଶ୍ୟ ବିଭିନ୍ନ ସ୍ଥାନରୁ ଆସିବାରେ ଲାଗିଛି ।  ତେବେ ଭଦ୍ରକରେ କିଭଳି ଜାରି ରହିଛି ମତଦାନ ସେନେଇ 170 ନମ୍ବର ବୁଥରେ ଭୋଟରଙ୍କ ସହ ଆଲୋଚନା କରିଛନ୍ତି ଆମ ଭଦ୍ରକ ସମ୍ବାଦଦାତା । 

ଇଟିଭି ଭାରତ, ଭଦ୍ରକ