କେନ୍ଦୁଝର ବିଜେପି ବିଜୟ ସଂକଳ୍ପ ସମାବେଶରେ ଗୃହମନ୍ତ୍ରୀ ଅମିତ ଶାହା, ଦେଖନ୍ତୁ LIVE - Amit Shah LIVE

କେନ୍ଦୁଝର: କେନ୍ଦୁଝରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ଅପିଲ କରିଛନ୍ତି ଗୃହମନ୍ତ୍ରୀ  । ଜିଲ୍ଲାର ନୂଆ ମେଡିକାଲ କଲେଜ ପଡିଆରେ ଆୟୋଜିତ ବିଜୟ ସଂକଳ୍ପ ସମାବେଶରେ ସମ୍ବୋଧନ କରୁଛନ୍ତି ଗୃହମନ୍ତ୍ରୀ । ପୂର୍ବ ନିର୍ବାଚନ ଅପେକ୍ଷା ଚଳିତ ନିର୍ବାଚନରେ ରାଜ୍ୟରେ ବେଶ ଆକ୍ଟିଭ ରହିଛି ବିଜେପି । ଦଳର ଫୋକସରେ ଓଡ଼ିଶା  । କେନ୍ଦ୍ରୀୟ ନେତାଙ୍କ ଘନ ଘନ ଓଡ଼ିଶା ଗସ୍ତ ଜାରି ରହିଛି । ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି କେନ୍ଦ୍ର ଗୃହମନ୍ତ୍ରୀ, ପ୍ରତିରକ୍ଷାମନ୍ତ୍ରୀ ପ୍ରମୁଖ ଓଡ଼ିଶା ଗସ୍ତ କରି ବିଜେଡି ସରକାରଙ୍କୁ ଟାର୍ଗେଟ କରୁଛନ୍ତି । ଆଜି ଅମିତ ଶାହା ସମ୍ବଲପୁର, କେନ୍ଦୁଝର, ଢେଙ୍କାନାଳ ଓ ନୟାଗଡ ଗସ୍ତ କରି ବିଜୟ ସଂକଳ୍ପ ସମାବେଶରେ ଯୋଗ ଦେଇ ପ୍ରାର୍ଥୀଙ୍କ ପାଇଁ ଭୋଟ ମାଗିଛନ୍ତି  । ତେବେ କେନ୍ଦୁଝରରେ ଆୟୋଜିତ ଏହି କାର୍ଯ୍ୟକ୍ରମରେ ଅମିତ ଶାହାଙ୍କ ସମେତ ବିଜେପି ସାଂସଦ ପ୍ରାର୍ଥୀ ଓ ବିଧାୟକ ପ୍ରାର୍ଥୀମାନେ ମଧ୍ୟ ଉପସ୍ଥିତ ଅଛନ୍ତି  । ହଜାର ହଜାର ଜନତାଙ୍କ ସମାଗମ ଦେଖିବାକୁ ମିଳିଛି  ।ଇଟିଭି ଭାରତ, କେନ୍ଦୁଝର