ପୁରୀରେ ପ୍ରଧାନମନ୍ତ୍ରୀଙ୍କ ବିଶାଳ ରୋଡ ସୋ', ଜନସମୁଦ୍ର ପାଲଟିଲା ବଡଦାଣ୍ଡ - PM Modi Roadshow

ପୁରୀ: ଶ୍ରୀକ୍ଷେତ୍ରରେ ପୁରୀରେ ଆଜି ବିଶାଳ ରୋଡ ସୋ' କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସିଂହଦ୍ବାର ସାମ୍ନାରୁ ମେଡିକାଲ ଛକ ପର୍ଯ୍ୟନ୍ତ ହୋଇଛି ରୋଡ ସୋ' । ପ୍ରଧାନମନ୍ତ୍ରୀଙ୍କ ଝଲକ ଟିକିଏ ଦେଖିବାକୁ ଜନସମୁଦ୍ର ପାଲଟିଥିଲା ବଡଦାଣ୍ଡ । ରାସ୍ତାର ଉଭୟ ପାର୍ଶ୍ବରେ ହଜାର ହଜାର ଲୋକେ ଉପସ୍ଥିତ ରହିଥିଲେ  । ମୋଦି ସମସ୍ତଙ୍କୁ ହାତ ହଲାଇ ଅଭିବାଦନ ଜଣାଇଥିଲେ । ରୋଡ ସୋ' ସମୟରେ ପ୍ରଧାନମନ୍ତ୍ରୀ ମୋଦିଙ୍କ ସହ ବିଜେପି ରାଜ୍ୟ ସଭାପତି ମନମୋହନ ସାମଲ, ପୁରୀ ସାଂସଦ ପ୍ରାର୍ଥୀ ସମ୍ବିତ ପାତ୍ର, ବିଧାୟକ ପ୍ରାର୍ଥୀ ଜୟନ୍ତ ଷଡଙ୍ଗୀ ପ୍ରମୁଖ ଉପସ୍ଥିତ ରହିଥିଲେ  । ନିର୍ବାଚନ ପରିପ୍ରେକ୍ଷୀରେ ଘନ ଘନ ଓଡ଼ିଶା ଗସ୍ତ କରୁଛନ୍ତି ପ୍ରଧାନମନ୍ତ୍ରୀ ମୋଦି  । ରୋଡ ସୋ, ସଭାସମିତି କରି ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗୁଛନ୍ତି  । ଏହି କ୍ରମରେ ଆଜି ପୁରୀ ଆସି ମେଗା ରୋଡ ସୋ' କରିଛନ୍ତି ପ୍ରଧାନମନ୍ତ୍ରୀ । ଦେଖନ୍ତୁ ଏହି ସମୟର ଦୃଶ୍ୟ...