ଗିରଫ ହେଲେ ସହକାରୀ ଯୋଗାଣ ଅଧିକାରୀ, ମିଳିଲା କୋଟି କୋଟି ଟଙ୍କାର ଗୁମର - ACSO pradeep mohapatra Arrested

ACSO PRADEEP MOHAPATRA ARRESTED:କଟକ: ଗିରଫ ହେଲେ ଲାଞ୍ଚୁଆ ଯୋଗାଣ ଅଫିସର । ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଅତରିକ୍ତ ଯୋଗାଣ ଅଧିକାରୀ ପ୍ରଦୀପ ମହାପାତ୍ରଙ୍କୁ ଗିରଫ କରି କୋର୍ଟ ଚାଲାଣ କରିଛି ଭିଜିଲାନ୍ସ । ରେଡ଼ ସମୟରେ କଟକ, ଭୁବନେଶ୍ୱରରେ ଆଲିସାନ ଘର, ୨ ଦାମୀ ପ୍ଲଟ , 850 ଗ୍ରାମ ସୁନା, 2 କୋଟିରୁ ଊର୍ଦ୍ଧ୍ବ ଟଙ୍କା ଡିପୋଜିଟ ଓ ଲକ୍ଷେ ଟଙ୍କା ନଗଦ ଟଙ୍କା ଜବତ କରିଛି ଭିଜିଲାନ୍ସ । ଭିଜିଲାନ୍ସ ସ୍ଵତନ୍ତ୍ର ଜଜଙ୍କ ନିର୍ଦ୍ଦେଶ କ୍ରମେ କେନ୍ଦ୍ରାପଡା ସମେତ କଟକ, ଭୁବନେଶ୍ୱରର 5ଟି ସ୍ଥାନରେ ଚଢ଼ାଉ କରିଥିଲେ ଭିଜିଲାନ୍ସର ସ୍ୱତନ୍ତ୍ର ଟିମ । କଟକ କଲ୍ୟାଣୀ ନଗର, ନୂଆପଡା,ଭୁବନେଶ୍ୱର ଲିଙ୍ଗୀପୁର ଓ କେନ୍ଦ୍ରାପଡା ଅଫିସରେ ଜାରି ରହିଥିଲା ସର୍ଚ୍ଚ ଅପ୍ରେସନ । 4 ଜଣିଆ DSP ରାଙ୍କ ଅଧିକାରୀଙ୍କ ଅଧୀନରେ ଜାରି ରହିଥିଲା ଚଢ଼ାଉ । 

କେନ୍ଦ୍ରାପଡ଼ା ଜିଲ୍ଲା ଅତିରିକ୍ତ ଯୋଗାଣ ଅଧିକାରୀ ପ୍ରଦୀପ କୁମାର ମହାପାତ୍ରଙ୍କୁ ଆଜି ଗିରଫ କରି କୋର୍ଟ ଚାଲାଣ କରାଯାଇଛି ।ତାଙ୍କ ନାଁ ଆୟ ବହିର୍ଭୂତ ସମ୍ପତ୍ତିଠୁଳ ନେଇ ଅଭିଯୋଗ ଆସିବା ପରେ ଭିଜିଲାନ୍ସ ତାଙ୍କର ବିଭିନ୍ନ ଜାଗାରେ ଯାଞ୍ଚ କରିଥିଲା । ସମୁଦାୟ ଆୟର ୩୩୬ ପ୍ରତିଶତ ସମ୍ପତ୍ତି ଆୟ ବହିର୍ଭୁତ ବୋଲି ଭିଜିଲାନ୍ସ ପ୍ରମାଣ ପାଇଥିଲା ।

ଇଟିଭି ଭାରତ,କଟକ