ରାଉରକେଲା ପ୍ରଚାର ମୈଦାନରେ ନିହାର ରାୟ, ଦିଲ୍ଲୀପ ରାୟଙ୍କୁ କଲେ ଟାର୍ଗେଟ - Odisha Assembly Election 2024

Election Campaign: ରାଉରକେଲା: ପାଖେଇ ଆସୁଛି ନିର୍ବାଚନ । ଚାଲିଛି ଜୋରଦାର ପ୍ରଚାର । ଆଜି ରାଉରକେଲା ସହରର ଡେଲି ମାର୍କେଟ ଏବଂ ପ୍ଲାଣ୍ଟ ସାଇଡ଼ ଅଞ୍ଚଳରେ ନିଜ ସମର୍ଥକଙ୍କ ସହ ମିଶି ନିର୍ବାଚନ ଲାଗି ପଦଯାତ୍ରା କରି ପ୍ରଚାରକୁ ଜୋରଦାର କରିଛନ୍ତି ନିହାର । ହେଲେ ପ୍ରଚାର ମଧ୍ୟରେ ବିଜେପି ବିଧାୟକ ପ୍ରାର୍ଥୀ ତଥା ପୂର୍ବତନ କେନ୍ଦ୍ରମନ୍ତ୍ରୀ ଦିଲ୍ଲୀପ ରାୟଙ୍କୁ ନିହାର ରାୟ ସିଧାସଳଖ ଟାର୍ଗେଟ କରିଛନ୍ତି । ଦିଲ୍ଲୀପ ଉପର ନେତାଙ୍କୁ ଧରି ଟିକେଟ ପାଇଥିବା କହିଛନ୍ତି ନିହାର । 

ପୂର୍ବତନ ବିଧାୟକ ପ୍ରାର୍ଥୀ ନିହାର ରାୟ ବିଜେପି ଦଳରୁ ଏଥର ଟିକେଟକୁ ନେଇ ଆଶାୟୀ ଥିଲେ । ହେଲେ ଦଳ ପକ୍ଷରୁ ଦିଲ୍ଲୀପ ରାୟଙ୍କୁ ଟିକଟ ଦେବା ପରେ ନିହାର ବିରୋଧ କରିବା ସହ ଏଥର ସ୍ବାଧୀନ ପ୍ରାର୍ଥୀ ଭାବରେ ନିର୍ବାଚନ ଲଢୁଛନ୍ତି । ସେ ତାଙ୍କର ପ୍ରଚାର ମଧ୍ୟ ଆରମ୍ଭ କରି ଦେଇଛନ୍ତି । ତେବେ ପ୍ରଚାର ବେଳେ ସେ ଦିଲ୍ଲୀପ ରାୟଙ୍କୁ ଟାର୍ଗେଟ କରି କହିଛନ୍ତି ଯେ ଏଥର ରାଉରକେଲାରେ ଆଶ୍ଚର୍ଯ୍ୟ କର ରେଜଲ୍ଟ ହେବ । ଯେଉଁ ଲୋକ ରାଉରକେଲା ରହିବ ନାହିଁ ତାକୁ ଦଳ କାହିଁକି ଟିକଟ ଦେଇଛି । ହେଲେ ମୁଁ ଲୋକଙ୍କ ସହ ସବୁବେଳେ ରହିଛି । ମୁଁ ବିଜେପିରେ ରହି ଲୋକଙ୍କ ପାଇଁ କାମ କରିଛି ବିଧାୟକ ନହୋଇ ମଧ୍ୟ ବହୁତ ଜନ ସାଧାରଣଙ୍କ ପାଇଁ ଏବଂ ଲୋକଙ୍କ ସୁବିଧା ଅସୁବିଧାରେ ମୁଁ ଛିଡା ହୋଇଛି । ରାଉରକେଲାରେ ମୁଁ ତୃଣମୂଳ ସ୍ତରରେ ଯାଇ କାମ କରିଛି । 

ଇଟିଭି ଭାରତ, ରାଉରକେଲା