କୋରାପୁଟର ଜିଲ୍ଲାପାଳ ଭାବେ ଦାୟିତ୍ବ ଗ୍ରହଣ କଲେ ଭି କୀର୍ତ୍ତି ଭାସନ

New Collector of  Koraput: କୋରାପୁଟ: ନୂତନ ଜିଲ୍ଲାପାଳ ଭାବେ କାର୍ଯ୍ୟରେ ଯୋଗଦେଲେ ଭି କୀର୍ତ୍ତି ଭାସନ l ସେ ପୂର୍ବରୁ ଗଞ୍ଜାମ ଜିଲ୍ଲାରେ ଜିଲ୍ଲା ପରିଷଦ ଉନ୍ନୟନ ଅଧିକାରୀ ଭାବେ କାର୍ଯ୍ୟ କରୁଥିଲେ l ପଦୋନ୍ନତି ପାଇବା ପରେ ଗତକାଲି(ବୁଧବାର) କୋରାପୁଟରେ ନୂତନ ଜିଲ୍ଲାପାଳ ଭାବେ କାର୍ଯ୍ୟରେ ଯୋଗ ଦେଇଛନ୍ତି l ଏହି ଅବସରରେ କୋରାପୁଟ ହେଉଛି ଏକ ଆଦିବାସୀ ବହୁଳ ଜିଲ୍ଲା । ଏହି ଜିଲ୍ଲାରେ କାମ କରିବା ପାଇଁ ତାଙ୍କୁ ଏକ ନୂଆ ପ୍ରେରଣା ଯୋଗାଇବ । କୋରାପୁଟବାସୀଙ୍କ ସହିତ ଜଡିତ ରହି ଲୋକଙ୍କ ସମସ୍ୟା ସମାଧାନ ଦିଗରେ ଧ୍ୟାନ ଦେବେ ବୋଲି ଜିଲ୍ଲାପାଳ ଭି କୀର୍ତ୍ତି ଭାସନ ସୂଚନା ଦେଇଛନ୍ତି l ସେହିପରି ଯୋଗ ଦେବାର ପ୍ରଥମ ଦିନରେ ହିଁ ସନ୍ଧ୍ୟା ସମୟରେ ଜୟପୁରସ୍ଥିତ ଜିଲ୍ଲା ଚିକିତ୍ସାଳୟ ପରିଦର୍ଶନ କରି ସେଠାକାର ସୁବିଧା ଅସୁବିଧା କଥା ପଚାରି ବୁଝିଥିଲେ । ତେବେ ଜିଲ୍ଲା ଚିକିତ୍ସାଳୟରେ ଲାଗିଥିବା ଆଧୁନିକ ଉପକରଣକୁ ନେଇ ଉନ୍ନତ ସ୍ୱାସ୍ଥ୍ୟ ସେବା ଯୋଗାଇ ହେବ ବୋଲି ସେ ଆଶା ବ୍ୟକ୍ତ କରିଛନ୍ତି । 

ଇଟିଭି ଭାରତ,କୋରାପୁଟ