ଚଳନ୍ତା କାରରେ ଲାଗିଲା ନିଆଁ, ଡ୍ରାଇଭର ଜୀବନ୍ତ ଦଗ୍ଧ - car accident

FIRE IN CAR IN PANIPAT: ଚଣ୍ଡିଗଡ: ହରିୟାଣାରେ ଭୟଙ୍କର ସଡକ ଦୁର୍ଘଟଣା । ଚଳନ୍ତା କାରରେ ବିସ୍ଫୋରଣ ହେବା ସହ ଲାଗିଲା ନିଆଁ । ଭାରସାମ୍ୟ ହରାଇ ଡିଭାଇଡରରେ ପିଟି ହୋଇ ଓଲଟି ପଡିଲା କାର । କେହି କିଛି ବୁଝିବା ଆଗରୁ ନିଆଁର ଆଁରେ ଜଳିଗଲା କାର । ଘଟଣାସ୍ଥଳରେ ଡ୍ରାଇଭରର ମୃତ୍ୟୁ ହୋଇଛି । ଏନେଇ ଖବର ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା । ମୃତକଙ୍କ ପରିଚୟ  ବର୍ତ୍ତମାନ ସୁଦ୍ଧା ମିଳିପାରିନାହିଁ । କାରଟି ଦିଲ୍ଲୀ ଅଭିମୁଖେ ଯାଉଥିବା ବେଳେ ଦୁର୍ଘଟଣାର ଶିକାର ହୋଇଥିଲା । ପାନିପଥରେ କାରଟି ଦୁର୍ଘଟଣାର ଶିକାର ହୋଇଥିଲା । ଡ୍ରାଇଭରଙ୍କ ମୃତଦେହକୁ ପାନିପଥ ସିଭିଲ ହସ୍ପିଟାଲରେ ରଖାଯାଇଛି। ପରିବାର ସଦସ୍ୟ ପହଞ୍ଚିବା ପରେ ପୋଷ୍ଟମର୍ଟନ କରାଯିବ ।  କେଉଁ କାରଣରୁ କାରରେ ନିଆଁ ଲାଗିଲା ସେନେଇ ପୋଲିସ ତଦନ୍ତ ଆରମ୍ଭ କରିଛି । ଏନେଇ ଅଧିକ ସୂଚନାକୁ ଅପେକ୍ଷା କରାଯାଇଛି ।