ବାଲୁକାକଳାରେ 75ତମ ସାଧାରଣତନ୍ତ୍ର ଦିବସ, ଶୁଭେଚ୍ଛା ଜଣାଇଲେ ପଦ୍ମଶ୍ରୀ ସୁଦର୍ଶନ
![ETV Bharat Odisha Team](https://etvbharatimages.akamaized.net/etvbharat/prod-images/authors/odisha-1716536003.jpeg?imwidth=128)
Published : Jan 25, 2024, 10:58 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/25-01-2024/640-480-20593258-thumbnail-16x9-pr.jpg)
ପୁରୀ : ରାତି ପାହିଲେ ଦେଶ ପାଳିବାକୁ ଯାଉଛି 75 ତମ ସାଧାରଣତନ୍ତ୍ର ଦିବସ । ଏ ଅବସର ରେ ବାଲୁକା ଚିତ୍ରକଳାରେ ଶୁଭେଚ୍ଛା ଜଣାଇଛନ୍ତି ଆନ୍ତର୍ଜାତୀୟ ଖ୍ୟାତି ସମ୍ପନ୍ନ ବାଲୁକାକଳା ଶିଳ୍ପୀ ତଥା ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ସେ ପୁରୀ ବେଳାଭୁମିରେ ଏକ ସୁନ୍ଦର ବାଲୁକା ଚିତ୍ରକଳା କରି 75 ତମ ସଧାରଣତନ୍ତ୍ର ଦିବସର ଶୁଭେଚ୍ଛା ଜଣାଇଛନ୍ତି । ବାଲିରେ ତ୍ରିରଙ୍ଗା ସହ ଅଶୋକ ଚକ୍ରକୁ ସେ ସ୍ଥାନ ଦେଇ ଦେଶବାସୀଙ୍କୁ ସାଧାରଣତନ୍ତ୍ର ଦିବସର ଶୁଭେଚ୍ଛା ଦେଇଛନ୍ତି ।
ଏହା ମଧ୍ୟ ପଢନ୍ତୁ .... ସୁଦର୍ଶନଙ୍କ ବାଲୁକା କଳାକୁ ଭୂୟସୀ ପ୍ରଶଂସା କଲେ ପ୍ରଧାନମନ୍ତ୍ରୀ
ତେବେ ସେ ତ୍ରିରଙ୍ଗାର ନାରଙ୍ଗୀ ରଙ୍ଗ କୁ କମଳା ଦ୍ବାରା, ଧଳା ରଙ୍ଗ କୁ ଧଳା ଫୁଲ ଓ ସବୁଜ ରଙ୍ଗ କୁ କ୍ୟାପ୍ସିକମ୍ ଦ୍ବାରା ସଜେଇଛନ୍ତି । ଯାହାକି ଅତି ଚମତ୍କାର ହୋଇଛି । ସେହିପରି 75 ତମ ସାଧାରଣତନ୍ତ୍ର ଦିବସ ଓ ମେରା ଭାରତ ମହାନ ର ଲେଖାକୁ ଲେମ୍ବୁ ଦ୍ଵାରା ଫିକା ସବୁଜ ରଙ୍ଗରେ ସେ ସଜେଇଛନ୍ତି । ଏହି ବାଲୁକା ଚିତ୍ରକଳା ଦେଖିବାକୁ ପୁରୀ ବେଳାଭୁମିରେ ପର୍ଯ୍ୟଟକ ମାନଙ୍କ ବେଶ୍ ଭିଡ ଜମିଛି ।
ଇଟିଭି ଭାରତ, ପୁରୀ