ଛେଣ୍ଡିପଦାରେ ସଂଗଠନ ସଜାଡୁଛି କଂଗ୍ରେସ, ଦଳୀୟ କର୍ମୀଙ୍କୁ ଗୁରୁମନ୍ତ୍ର - Election Preparation By Congress

Election Preparation By Congress: ଅନୁଗୋଳ: ଛେଣ୍ଡିପଦାରେ ବଳ ଗୋଟାଉଛି କଂଗ୍ରେସ । ଦଳର ସବୁ ପୁରୁଣା କର୍ମୀ ଏକାଠି କରି ଦଳ କରିଛି ସମାବେଶ । ନିର୍ବାଚନ ମଇଦାନକୁ ଓହ୍ଲାଇବା ପୂର୍ବରୁ ଦଳ ନିଜର ସଂଗଠନ ସଜାଡୁଛି । ଏନେଇ ଆୟୋଜିତ ହୋଇଥିବା ସମ୍ମିଳନୀରେ ୫୨ଟି ପଞ୍ଚାୟତରୁ ଶତାଧିକ କର୍ମୀ ଓ ନେତା ଯୋଗ ଦେଇଥିଲେ । ଜିଲ୍ଲା କଂଗ୍ରେସ ସଭାପତି ଅମ୍ବିକା ଭଟ୍ଟ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ଆଲୋଚନା କରିବା ସହ କିଭଳି ଦଳ ମଜବୁତ ହୋଇପାରିବ ସେନେଇ କର୍ମୀମାନଙ୍କୁ ଗୁରୁମନ୍ତ୍ର ଦେଇଥିଲେ । ପ୍ରଦେଶ କଂଗ୍ରେସ ଓବିସି ସେଲ ରାଜ୍ୟ ଅଧ୍ୟକ୍ଷ ବାଙ୍କନିଧି ବେହେରା ଯୋଗ ଦେଇ ବିଜେଡି ଓ ବିଜେପି ଉପରେ ବର୍ଷିଥିଲେ । 

ବାଙ୍କନିଧି କହିଛନ୍ତି, "ଦୀର୍ଘ ବର୍ଷ ଏମାନେ ଶାସନ କରୁଥିଲେ ମଧ୍ୟ କୌଣସି ନୂଆ କାର୍ଯ୍ୟ ହାତକୁ ନେଇ ନାହାନ୍ତି । ବରଂ କଂଗ୍ରେସ ସମୟରେ ଯାହା କିଛି ହୋଇଥିଲା ସେସବୁକୁ ନିଜେ କରିଥିବା କହି ବାହସ୍ପଟ ମାରୁଛନ୍ତି ।" ଏହିପରି ଭାବେ କଂଗ୍ରେସ ହାତମୁଠାକୁ ଟାଣ କରିବା ପାଇଁ କର୍ମୀମାନଙ୍କୁ ସେ ଆହ୍ୱାନ ଦେିଥିଲେ । ଛେଣ୍ଡିପଦା ଆଶାୟୀ ବିଧାୟକ ପ୍ରାର୍ଥୀ ଗୋବିନ୍ଦ ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି ସମ୍ମିଳନୀରେ ବହୁ ସଂଖ୍ୟାରେ କଂଗ୍ରେସ ନେତା ଓ କର୍ମୀ ଯୋଗ ଦେଇ ଆଗାମୀ ରଣନୀତି ପ୍ରସ୍ତୁତ କରିଥିଲେ ।
 

ଇଟିଭି ଭାରତ, ଅନୁଗୋଳ