ଲଦାଖରେ ପ୍ରତିରକ୍ଷାମନ୍ତ୍ରୀ, ସେନା ସହ ପାଳିଲେ ହୋଲି - Defence minister celebrates Holi

Defence minister celebrates Holi ଲଦାଖ: ସେନାଙ୍କ ସହ ହୋଲି ପାଳିଲେ ଦେଶର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଆଜି (ରବିବାର) ପ୍ରତିରକ୍ଷା ମନ୍ତ୍ରୀ ଲଦାଖ ଗସ୍ତ କରିଛନ୍ତି । ସେଠାରେ ଲେହ ମିଲିଟାରୀ ଷ୍ଟେସନରେ ପହଞ୍ଚି ସୈନ୍ୟମାନଙ୍କୁ ରଙ୍ଗ ଲଗାଇ ସେମାନଙ୍କ ସହ ହୋଲି ପର୍ବ ପାଳନ କରିଛନ୍ତି ।  

ସାରା ଦେଶରେ ଆରମ୍ଭ ହୋଇଯାଇଛି ରଙ୍ଗର ପର୍ବ ହୋଲି ପାଳନ । ଏହି ଅବସରରେ ସେନାମାନଙ୍କ ସହ ରଙ୍ଗର ପର୍ବ ପାଳନ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଆଜି (ରବିବାର) ଲେହ ମିଲିଟାରୀ ଷ୍ଟେସନ ଗସ୍ତ କରି ସେଠାରେ ସେନାମାନଙ୍କୁ ରଙ୍ଗ ସହ ହୋଲି ପାଳନ କରିଛନ୍ତି । 

ଏହାପୂର୍ବରୁ ହୋଲି ପାଳନ ନେଇ ସିଆଚୀନ ଯିବାକୁ ଘୋଷଣା କରିଥିଲେ ନିଜେ ପ୍ରତିରକ୍ଷାମନ୍ତ୍ରୀ । ସୋସିଆଲ ମିଡିଆ ଏକ୍ସରେ ସେ ନେଇ ପୋଷ୍ଟ କରି ସୂଚନା ଦେଇଥିଲେ । ସେ ଲେଖିଥିଲେ, "ମାର୍ଚ୍ଚ 24 ତାରିଖ ଦିନ ଦୁନିଆର ସବୁଠୁ ଉଚ୍ଚ ଯୁଦ୍ଧ କ୍ଷେତ୍ର ସିଆଚୀନରେ ରହିବି । ସେଠାରେ ନିୟୋଜିତ ଯବାନମାନଙ୍କ ସହ ହୋଲି ପାଳିବା ନେଇ ମୁଁ ବେଶ ଉତ୍ସାହିତ ରହିଛି ।" ତେବେ ସୂଚନା ଅନୁଯାୟୀ ଖରାପ ପାଣିପାଗ କାରଣରୁ ଏହି କାର୍ଯ୍ୟକ୍ରମକୁ ବାତିଲ କରାଯାଇଛି । ଯେଉଁଥିପାଇଁ ଲେହ ଗସ୍ତ କରିଛନ୍ତି ରାଜନାଥ ସିଂହ । ପ୍ରତିରକ୍ଷାମନ୍ତ୍ରୀଙ୍କ ପୂର୍ବରୁ ଅନେକ ଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହା ଲେହ ଗସ୍ତ କରି ସେନାମାନଙ୍କ ସହ ବିଭିନ୍ନ ପର୍ବ ପାଳନ କରିସାରିଛନ୍ତି । 

ବ୍ୟୁରୋ ରିପୋର୍ଟ, ଇଟିଭି ଭାରତ