ଦେଶରେ ଜାରି ରହିଛି ଷଷ୍ଠ ପର୍ଯ୍ୟାୟ ମତଦାନ, ଭୋଟ ଦେଲେ ପ୍ରଧାନ ବିଚାରପତି - CJI DY Chandrachud cast his vote

CJI DY Chandrachud cast his vote: ନୂଆଦିଲ୍ଲୀ: ଦେଶରେ ଷଷ୍ଠ ପର୍ଯ୍ୟାୟ ଲୋକସଭା ନିର୍ବାଚନ ଲାଗି ଜାରି ରହିଛି ମତଦାନ । ଏହି କ୍ରମରେ ଆଜି ଦିଲ୍ଲୀର ଏକ ବୁଥରେ ନିଜର ମତଦାନ ସାବ୍ୟସ୍ତ କରିଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ଼ । ଭୋଟ ଦେବା ପରେ ସେ କହିଛନ୍ତି, "ମୁଁ ଭୋଟ ଦେଇ ଭାରତର ନାଗରିକ ଭାବେ ମୋର କର୍ତ୍ତବ୍ୟ ପୂରଣ କରିଛି ।" ଏହାସହିତ ଦେଶବାସୀ ଭୋଟ ଦେଇ ଗଣତନ୍ତ୍ରର ମହାପର୍ବରେ ସାମିଲ ହେବାକୁ ସେ ଅପିଲ୍‌ କରିଛନ୍ତି । ଷଷ୍ଠ ପର୍ଯ୍ୟାୟରେ ଦେଶର 6ଟି ରାଜ୍ୟ ଓ 2ଟି କେନ୍ଦ୍ରଶାସିତ ଅଞ୍ଚଳର ମୋଟ 58ଟି ଆସନରେ ପଡୁଛି ଭୋଟ । 889 ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର ।