ଚନ୍ଦନପୁରରେ ବ୍ୟବସାୟୀଙ୍କୁ ବୋମାମାଡ, ଅଭିଯୁକ୍ତକୁ ଧରି ପୋଲିସ ଜିମା ଦେଲେ ଲୋକେ - Puri Bomb hurled

Bomb hurled  ପୁରୀ: ବ୍ୟବସାୟୀଙ୍କ ଗୋଦାମ ଉପରକୁ ବୋମାମାଡ । ପୁରୀ ଜିଲ୍ଲା ଚନ୍ଦନପୁର ଥାନା ଅଞ୍ଚଳରେ ଜଣେ ସିମେଣ୍ଟ ବ୍ୟବସାୟୀଙ୍କ ଗୋଦାମ ଘର ଉପରେ ବୋମାମାଡ ହୋଇଛି । ସ୍ଥାନୀୟ ଲୋକମାନେ ଅଭିଯୁକ୍ତକୁ କାବୁ କରି ପୋଲସ ଜିମା ଦେଇଥିବା ବେଳେ ଘଟଣାସ୍ଥଳରେ ପୋଲିସ ତଦନ୍ତ ଆରମ୍ଭ କରିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ ହୋଇିଛି ନା ଦାଦାବଟି ମାଗିବାକୁ ନେଇ ସେ ନେଇ ଏବେସୁଦ୍ଧା ସ୍ପଷ୍ଟ ହୋଇନାହିଁ । 

ପୁରୀ ଜିଲ୍ଲା ଚନ୍ଦନପୁର ଅଞ୍ଚଳରେ ବଢିବାରେ ଲାଗିଛି ଦୁର୍ବୃତ୍ତଙ୍କ ଆତଙ୍କରାଜ । ସୋମବାର ରାତିରେ ଚନ୍ଦନପୁର ବଜାରରେ ଜଣେ  ସିମେଣ୍ଟ ବ୍ୟବସାୟୀ ନିରଞ୍ଜନ ସାହୁଙ୍କ ଗୋଦାମ ଉପରକୁ ବୋମାମାଡ ହୋଇଛି । ବୋମାମାଡ କରି ଦୁର୍ବୃତ୍ତ ଜଣକ ଖସିଯିବାକୁ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ତାକୁ କାବୁ କରି ପୋଲିସ ଜିମା ଦେଇଛନ୍ତି । ତେବେ ଅଭିଯୁକ୍ତ ଜଣ ବାଇକ ଆସି ବୋମାମାଡ କରି ଖସି ଯାଉଥିବା ସମୟରେ ଦୁର୍ଘଟଣାର ଶିକାର ହୋଇ ଆହତ ହୋଇଥିବା ଜଣାପଡିଛି । 

ଅଭିଯୁକ୍ତକୁ ପୋଲିସ ଚିକିତ୍ସା ପାଇଁ ପୁରୀ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି । ଅନ୍ୟପଟେ ବୋମାମାଡର କାରଣ ଏବେସୁଦ୍ଧା ସ୍ପଷ୍ଟ ହୋଇନଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ନା ଦାଦାବଟି ମାଗିବାକୁ ନେଇ ଏହି ଆକ୍ରମଣ ଉଦ୍ୟମ ହୋଇଛ ପୋଲିସ ତାହା ତଦନ୍ତ କରୁଛି ।

ଇଟିଭି ଭାରତ, ପୁରୀ