ହୋଲି ଅଘଟଣ ଏଡାଇବାକୁ ପ୍ରସ୍ତୁତି, ଜଳାଶୟ-ନଦୀପଠା ଜଗିଛନ୍ତି ଅଗ୍ନିଶମ ବାହିନୀ - fire team alert for holi

Fire service dept on alert for Holi: ଭୁବନେଶ୍ୱର: ରଙ୍ଗର ପର୍ବର ହୋଲିକୁ ନେଇ ଉତ୍ସବମୁଖର ସାରା ରାଜ୍ୟ । ରଙ୍ଗ ଖେଳି ସାରିବା ପରେ ଲୋକମାନେ ସାଧାରଣତଃ ଜଳାଶୟ ଓ ନଦୀପଠା ଗୁଡିକରେ ଗାଧୋଇଥାନ୍ତି । ହେଲେ ଏହି ସମୟରେ ଅସାବଧାନତା ବଶତଃ ଅନେକ ବଡ ବଡ ଅଘଟଣ ସାମ୍ନାକୁ ଆସିଥାଏ । ଏହି ଅଘଟଣକୁ ଏଡାଇବାକୁ ଭୁବନେଶ୍ବର ଅଗ୍ନିଶମ ବିଭାଗ ଦ୍ୱାରା ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି  । କୁଆଖାଇ, ଦୟା ନଦୀପଠା, ବାଙ୍କୁଆଳ ଘାଇ, ବାଳକାଠି ସାଇଫୁନ, ପାହାଳ, ପୁରୀ କେନାଲ ଉପରେ  ଅଗ୍ନିଶମ ବିଭାଗ ପକ୍ଷରୁ ସ୍ୱତନ୍ତ୍ର ନଜର ରଖାଯାଇଛି । ସେଠାରେ ଫାୟାର ଟିମ ମୁତୟନ ହେବା ସହ ଲାଇଫ ଜ୍ୟାକେଟ ଭଳି ବ୍ୟବସ୍ଥା କରାଯାଇଛି । ଭୁବନେଶ୍ୱରର ଟିମ ଆଲର୍ଟ ଥିବାବେଳେ ରାଜଧାନୀ ଭୁବନେଶ୍ୱର ପାଇଁ ବାହାରୁ ମଧ୍ୟ 5ଟି ଟିମ୍ ମଗାଯାଇଥିବା ନେଇ କହିଛନ୍ତି ଅଗ୍ନିଶମ ଅଧିକାରୀ ମନୋରଞ୍ଜନ ରାଉତ । ଅନ୍ୟପଟେ ନିଶାସକ୍ତ ଅବସ୍ଥାରେ ପୋଖରୀ ଓ ନଦୀଗୁଡିକରେ ନ ଗାଧୋଇବାକୁ ଅଗ୍ନିଶମ ବିଭାଗ ପକ୍ଷରୁ ସାଧାରଣ ଲୋକଙ୍କୁ ଅପିଲ କରାଯାଇଛି । ଏନେଇ ଅଗ୍ନିଶମ ଅଧିକାରୀ ମନୋରଞ୍ଜନ ରାଉତଙ୍କ ସହ ଅଧିକ ଆଲୋଚନା କରିଛନ୍ତି ଆମ ଭୁବନେଶ୍ୱର ପ୍ରତିନିଧି ତାପସ ପରିଡା । 

ଇଟିଭି ଭାରତ, ଭୁବନେଶ୍ୱର