ସ୍ୟାଣ୍ଡ ଆନିମେସନରେ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା - PM Modi Sand animation

PM MODI SAND ANIMATION: ବ୍ରହ୍ମପୁର: ଦେଶରେ ତୃତୀୟଥର ପ୍ରଧାନମନ୍ତ୍ରୀ ଭାବରେ ନିଜର ଦାୟିତ୍ଵ ଗ୍ରହଣ କରିସାରିଛନ୍ତି ନରେନ୍ଦ୍ର ମୋଦି । ଚାରିଆଡୁ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛାର ସୁଅ ଛୁଟିଥିବାବେଳେ ନିଜର କଳାକୃତି ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ଗଞ୍ଜାମର ଯୁବ ବାଲୁକାଶିଳ୍ପୀ ସତ୍ୟନାରାୟଣ ମହାରଣା । ସ୍ୟାଣ୍ଡ ଆନିମେସନ ମାଧ୍ୟମରେ ପ୍ରଧାନମନ୍ତ୍ରୀଙ୍କ ଫଟୋ କରି କଂଗ୍ରାଜୁଲେସନ ମୋଦି ଜି 3.0 ଲେଖିଛନ୍ତି ସେ । ସେହିପରି ଗଞ୍ଜାମ ଜିଲ୍ଲାର ହିଞ୍ଜିଳିକାଟୁ ବ୍ଳକର କଣ୍ଟେଇ କୋଳି ଗ୍ରାମର ଅରୁଣ କୁମାର ସାହୁ ନିଜର କଳାକୃତି କାଠରେ ମୋଦିଙ୍କ ଏକ ଫଟୋ ଚିତ୍ର ପ୍ରସ୍ତୁତ କରିଥିବା ବେଳେ ତାହାକୁ ସେ ପ୍ରଧାନମନ୍ତ୍ରୀଙ୍କୁ ଉପହାର ସ୍ବରୂପ ପ୍ରଦାନ କରିବେ ବୋଲି କହିଛନ୍ତି । 10 ଦିନ ପରିଶ୍ରମ କରି ଅରୁଣ ଫଟୋଚିତ୍ର କରିଛନ୍ତି । ଏହାର ଉଚ୍ଚତା ୩୩ ଇଞ୍ଚ ରହିଥିବା ବେଳେ ଚଉଡା  26 ଇଞ୍ଚ ରହିଥିବା ସେ କହିଛନ୍ତି ।

ଇଟିଭି ଭାରତ, ବ୍ରହ୍ମପୁର