ଭୋଟ ଦେଲେ ବଲିଉଡର ବହୁ ନାମୀ ସେଲିବ୍ରିଟି - Celebrities Cast Vote

Celebrities Cast Vote: ମୁମ୍ବାଇ: ଦେଶରେ ଲୋକସଭା ନିର୍ବାଚନର ୫ମ ପର୍ଯ୍ୟାୟ ମତଦାନ ହୋଇଛି । ମୁମ୍ବାଇରେ ଭୋଟ ଦେଇଛନ୍ତି ବହୁ ସେଲିବ୍ରିଟି । ଐଶ୍ବର୍ଯ୍ୟା ରାୟ ବଚ୍ଚନଙ୍କଠାରୁ ଆରମ୍ଭ କରି ବିଗ ବି ଅମିତାଭ ବଚ୍ଚନ ମଧ୍ୟ ଭୋଟ ଦେଇଛନ୍ତି । ସେହିପରି ଅଭିନେତା ରଣବୀର କପୁର, ସୁନୀଲ ସେଟ୍ଟୀ ଓ ଗୋବିନ୍ଦା ମଧ୍ୟ ନିଜର ସାବ୍ୟସ୍ତ କରିଛନ୍ତି । ସେହିପରି ରଣଦୀପ ହୁଡ୍ଡା, ପରେଶ ରାୱଲ ମଧ୍ୟ ଭୋଟ ଦେଇଛନ୍ତି । ଏହାସହ ଆଜି ଅଭିନେତ୍ରୀ ଦୀପିକା ପାଦୁକୋନ, ରଣବୀର ସିଂ, ଶାହୁରଖ ଖାନ ଓ ଅମିର ଖାନ ମଧ୍ୟ ମତଦାନ କରିଛନ୍ତି ।

ଅଭିନେତା ଓ ଅଭିନେତ୍ରୀମାନେ ନିଜ ପରିବାରବର୍ଗ ସହ ଆସି ଭୋଟ ଦେଇଥିବା ଦେଖିବାକୁ ମିଳିଛି । ଗଣତନ୍ତ୍ରର ମହାପର୍ବରେ ସାମିଲ ହୋଇ ନିଜକୁ ଭାଗ୍ୟବାନ ମନେ କରିଥିବା କହିଛନ୍ତି ଏହି ସିନେ ତାରକା । ଏହାସହ ସମସ୍ତଙ୍କୁ ଭୋଟ ଦେବାକୁ ସେମାନେ ଅପିଲ କରିଛନ୍ତି ।