ଭୁବନେଶ୍ବର: ଏଥର ପୂଜାରେ ସପିଂ ମଲ ମାଲିକଙ୍କ ପାଇଁ ବଢିବ ଅଡୁଆ । କାରଣ କଣ୍ଟା ସାଜିପାରେ ପାର୍କିଂ ସମସ୍ୟା । ଏଥର ପୂଜା ପୂର୍ବରୁ ପାର୍କିଂ ସମସ୍ୟା ଥିଲେ ସେସବୁ ମଲ ଗୁଡିକୁ ବନ୍ଦ କରିବା ପାଇଁ ଚାଲିଛି ଯୋଜନା । ଏନେଇ ବିଏମସିକୁ ଚିଠି ଲେଖିଛି କମିଶନରେଟ ପୋଲିସ । ଯାହାଦ୍ବାରା ଅଡୁଆରେ ପଡିପାରନ୍ତି ଅନେକ ସପିଂ ମଲ ଓ ସହ ବଡ଼ ବଡ଼ ଦୋକାନି ଓ କର୍ମିସିଆଲ କମ୍ପ୍ଲେକ୍ସ କର୍ତ୍ତୃପକ୍ଷ ।
'ପାର୍କିଂ ସୁବିଧା ନକଲେ ପଡ଼ିବ ତାଲା'
ଲୋକଙ୍କୁ ନିଜସ୍ବ ପାର୍କି ନଦେଲେ ସପିଂ ମଲରେ ପଡିବ ତାଲା । ପୂଜା ବେଳେ ଦେଖାଦେଉଥିବା ପାର୍କିଂ ସମସ୍ୟାକୁ ଗୁରୁତର ସହ ନେଇଛି ପୋଲିସ । ପାର୍ବଣ ଋତୁ ଆରମ୍ଭ ହେବାକୁ ଥିବାବେଳେ ଆଗକୁ ରହିଛି ଗଣେଶ ପୂଜା । ଏହା ପରେ ପରେ ଦଶହରା । ତେବେ ଏଥର ଯେପରି ସେଭଳି ସମସ୍ୟା ନହୁଏ, ସେଥିପାଇଁ ପୂଜା ପୂର୍ବରୁ ପାର୍କିଂ ସମସ୍ୟା ହେଉଥିବା ଜାଗାର ଚାଲିଛି ଚିହ୍ନଟ ପ୍ରକ୍ରିୟା । ପ୍ରାଥମିକ ପର୍ଯ୍ୟାୟରେ କିଛି ବଡ଼ ବଡ଼ ବ୍ୟବସାୟିକ ପ୍ରତିଷ୍ଠାନ ଓ ସଂପି ମଲ ଓ କିଛି ବଡବଡ ଦୋକାନ ପରିସର ଯାଞ୍ଚ ହୋଇଛି ।
BMC ସହ ଆଲୋଚନା ପରେ ଆକ୍ସନ:
ଭୁବନେଶ୍ୱର ଡିସିପି କହିଛନ୍ତି, "ସେମାନଙ୍କୁ ବାରମ୍ବାର କହିବା ସତ୍ତ୍ବେ ସେମାନେ ଧ୍ଯାନ ଦେଉନାହାନ୍ତି । ଯେତେ ବି ଏମିତି ଦୋକାନ ମାଲିକ ଅଛନ୍ତି ସେମାନଙ୍କୁ ବାରମ୍ବାର ଟ୍ରାଫିକ ପୋଲିସ ଦ୍ବାରା କୁହାଯାଉଛି । ସେମାନଙ୍କ ଦୋକାନ ସମ୍ନାରେ ଗାଡି ପାର୍କିଂ ପାଇଁ ସ୍ବତନ୍ତ୍ର ବ୍ୟବସ୍ଥା କରିବା କଥା । ସର୍ବସାଧାରଣ ରାସ୍ତାରେ ଏତେ ଟ୍ରାଫିକ ସମସ୍ୟା ହେବ ନାହିଁ । ଯେଉଁଠି ବି ଦୋକାନ ସାମନାରେ ପାର୍କିଂକୁ ନେଇ ଟ୍ରାଫିକ ସମସ୍ୟା ହେବ ସେହି ସବୁ ସ୍ଥାନରେ ଓଡ଼ିଶା ଅର୍ବାନ ପୋଲିସ ଆକ୍ଟରେ ଆମେ ଆକ୍ସନ କରିପାରିବୁ । ଆଉ ବିଏମସିକୁ ମଧ୍ୟ ଏ ବିଷୟରେ ଜଣାଇଛୁ । ବିଏମସି ସହ ଆଲୋଚନା କରି ଆକ୍ସନ ନେବୁ।"
କାହିଁକି ଉପୁଜୁଛି ଟ୍ରାଫିକ ସମସ୍ୟା?
କିଛି ମଲ ନିଜର ପାର୍କିଂ ଥାଇ ମଧ୍ୟ ଏହାକୁ ବ୍ୟବହାର ଉପଯୋଗ କରୁନାହାନ୍ତି । ନିଜ ନିଜ ପାର୍କିରେ ନିଜର ବ୍ୟବସାୟିକ କାରବାର କରୁଛନ୍ତି ନଚେତ ନିଜର ଷ୍ଟାଫ୍ ପାର୍କିଂ କରୁଛନ୍ତି । ଏପରିକି କେଉଁଠି କେଉଠି ପାର୍କିଂକୁ ଅନ୍ୟ ବ୍ୟବସାୟିକ କାରବାର ପାଇଁ ମଧ୍ୟ ଭଡ଼ାରେ ଲଗାଇଛନ୍ତି । ଅନେକ ମଲରେ ଏଭଳି ସମସ୍ୟା ପାଇଁ ସାଧାରଣ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏହା ଟ୍ରାଫିକ ପରିଚାଳନାରେ ମଧ୍ୟ ବାଧା ସୃଷ୍ଟି କରୁଛି ।
ଏଣେ ତେଣେ ପାର୍କିଂ କରୁଥିଲେ ସାବଧାନ!
ଯିଏକି ବେଆଇନ ଭାବେ ଟ୍ରାଫିକ ସମସ୍ୟା ଉପୁଜାଇଲା ଭଳି ପାର୍କିଂ କରିବ ତା' ଉପରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ପକ୍ଷରୁ କୁହାଯାଇଛି । ଏଥିପାଇଁ ବୁଲୁଥିବା ସ୍ଵତନ୍ତ୍ର ଗାଡି ବୁଲୁଥାଏ ବେଆଇନ ପାର୍କିଂ ହୋଇଥିବା ଚାରି ଚକିଆ ଗାଡ଼ି କିମ୍ବା ବାଇକକୁ ଟେକି ନେବ । ଫଳରେ ଗାଡି ଫେରିପାଇବା ମୁସ୍କିଲ ହୋଇପଡ଼ିବ ।
ବନ୍ଦ ହୋଇଥିଲା ରସୁଲଗଡ ଛକ ଉପରେ ଥିବା ମଲ:
ଗତ 18 ତାରିଖରେ ରସୁଲଗଡ ଛକରେ ଉଭୟ ପଟରେ ପାର୍କିଂ ସମସ୍ୟା ଯୋଗୁ ବାରମ୍ବାର ତାଗିଦ କରିଥିଲା ପୋଲିସ । ଏପରିକି ମଲର ପାର୍କିଂ ଥାଇ ମଧ୍ୟ ସେଠାରେ ପାର୍କିଂ କରୁନଥିଲେ ଗ୍ରାହକ । ସର୍ଭିସ୍ ରୋଡ ପର୍ଯ୍ୟନ୍ତ ଗାଡି ପାର୍କ କରାଯାଉଥିଲା । ଏନେଇ ଟ୍ରାଫିକ ପୋଲିସ ତାଗିଦ କରିଥିବାବେଳେ ସମ୍ପୃକ୍ତ ମଲର ମ୍ୟାନେଜର ପୋଲିସକୁ ଗାଳିଗୁଲଜ କରିଥିବା ଅଭିଯୋଗ ହୋଇଥିଲା । ତେବେ ବାଧ୍ୟ ହୋଇ ପୋଲିସ ଆକ୍ସନ ସହ ସେହି ସପିଂ ମଲକୁ ବନ୍ଦ୍ କରିଥିଲା। ଏହାସହ ମ୍ୟାନେଜରକୁ ମଞ୍ଚେଶ୍ୱର ଥାନାରେ ଅଟକ ରଖାଯାଇଥିଲା।
ଇଟିଭି ଭାରତ, ଭୁବନେଶ୍ବର
